محمود الليثي: "عندي 90 أغنية لسة منزلوش ثمنهم 5 مليون جنيه"

أكد المطرب محمود الليثي على حبه الكبير للموسيقى، مشيرًا إلى أنه يملك حتى الآن 90 أغنية ولم يطرحها بعد يصل ثمنهم إلى 5 مليون جنيهًا.

قال محمود الليثي خلال استضافته في برنامج وشوشة مع الإعلامي أحمد الهواري ويمنى علي عبر قناة النهار: “بعتبر إن المزيكا دي كلها بتاعتي اللي اتعملت واللي لسه هتتعمل، أنا بحب المزيكا نفسها مش عشان شهرتها ولا فلوسها، لا أنا معجون فيها، الموسيقى بتبسطني وبتخلي حالتي النفسية حلوة، ومن وأنا عندي 11 سنة عايز أكون مطرب، كل مطرب فينا ربنا خالقه بميزة، أنا الوحيد اللي أعرفها”.

تصريحات محمود الليثي

وتابع محمود الليثي: “عندي حوالي 90 أغنية منزلوش لحد دلوقتي، تمنهم حوالي 5 مليون جنيه، كل ما بيبقى عندي فكرة بقوم أعملها وأسجلها في الاستوديو”.

ينتظر الفنان محمود الليثي طرح فيلمه الجديد “حمص وحلاوة”، الذي من المقرر عرضه في السينمات يوم 18 يناير الجاري، ومن بطولة الفنانة بدرية طلبة، المطربة أمينة، محمد أسامة، والفيلم من تأليف احمد البدري وإنتاج أحمد السبكي.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة