منى الشاذلي: كان نفسي أبقى طبيبة وأنا وزوجي متناقضين في كل حاجة
تحدثت الإعلامية منى الشاذلي عن حياتها الزوجية وعن الوظيفة، التي كانت تتمنى أن تعمل بها، وذلك خلال لقائها ببرنامج "ABtalks"، مع الإعلامي أنس بوخش.
منى الشاذلي تحكي تفاصيل حياتها الزوجية
قالت الإعلامية منى الشاذلي:" اتعرفت على جوزي في إيطاليا, وبقالنا 25 متجوزين، وأنا وجوزي متناقضين في كل حاجه وهو مش رومانسي، والناس اللي ما عاشوش قصة حب في حياتهم فاتهم حاجات كتير حلوة أوي، والحب الأول بيكون فيه شغف يكفي العالم بعد كده يدخل الاعتياد".
واستكملت:"الولاد والبنات لازم يتربوا على تحمل المسئولية، والحب حاجة والحياة الزوجية حاجة تانية ودنيا تانية خالص، هي حياة محتاجة مجهود عاطفي وفكري".
وعن رأيها في الإعلام قالت:" بشوف الإعلام غاية ومتعة ورسالة، حتى لو بنقدم حاجة لذيذة أو خفيفة".
منى الشاذلي ومهنة الإعلام
وعن الوظيفة التي كانت تتمنى العمل فيها أضافت منى الشاذلي:" كان نفسي أبقى طبيبة أو مدرسة عشان أساعد الناس، ولما دخلت الجامعة الأمريكية لقيت الأقرب ليا هو الإعلام".
اقرأ أيضا:غادة عبد الرازق: عمري ما هحقن وشي ومش لازم أكون مثالية طول الوقت
