وفاء عامر: "لو جوزي قالي هتجوز عليكي هوافق وأسأله امتى"

صدمت الفنانة وفاء عامر الجمهور بعد ردها على سؤال عن موقفها إذا أخبرها زوجها أنه قرر أن يتزوج عليها، مشيرة أنها لن تمانع.

وفاء عامر تدافع عن بيومي فؤاد ومحمد سلام

تصريحات وفاء عامر 

وقالت الفنانة وفاء عامر خلال لقائها ببرنامج “ قعدة ستات” مع الإعلامية مروة صبري: "لو جوزي قالي هتجوز عليكي، هقوله أه يا حبيبي أمتى، مش حاجة هتبسطه عادي".

واستكملت حديثها، وقالت: “جوزي مش هيعمل كده، لكن احنا متفقين إن الممنوع مرغوب ليه أقول لأ، أنا بغير عليه جدا  ومفيش حد يقدر ينافسني، لو جالك قالك عاوز أتجوز هو واخد القرار يبقى بيدي لا بيد عمرو، هقول لأ هيتجوز برضو يبقى خليه خايف منك”.

وفاء عامر تتحدث عن شقيقتها أيتن عامر 

وعلى جانب أخر تحدثت الفنانة وفاء عامر عن علاقتها بشقيقتها الفنانة أيتن عامر، قائلة: «دايمًا بتخاف من قراراتي وبتعمل لي  ألف حساب".

وتابعت وفاء عامر: “أيتن عامر حريصة جدا إنها ترجع لي في كل حاجة لأن اللي ملوش كبير بيشتري له كبير وهي عارفة إنها هترجع لي في أي موضوع وبتاخد رأيي وكتير أوي بتقول لي أنتي كان عندك حق”.

وأضافت: «وأحيانًا بتعاند في الأول وبعدين ترجع تقول لي أنتي كنتي صح،  أيتن عامر مش بنتي واللي عنده ورقة يطلعها ودي الحقيقة، واللي مش عايز يصدق هو حر، أنا واثقة في نفسي".

واختتمت: “وعارفة إني مبعملش حاجة غلط، لكن ياريتها كانت بنتي وأمنية حياتي إن يكون ليا بنت”.

اقرأ أيضا:"كنت هفقد إيدي".. محمد مرزبان يكشف تفاصيل حالته الصحية بعد حجز 17 يوما