ننشر أقوال شقيقة المتهم بإنهاء حياة عشيق زوجته بحدائق المعادي
كشفت التحقيقات تفاصيل جديدة في واقعة مقتل شاب بمنطقة حدائق المعادي، حيث ربطت المجني عليه علاقة آثمة مع زوجة المتهم الأول، وأن الأخير أجبر زوجته على استدراجه بعد اكتشافه خيانتها له، واعتدى عليه حتى فارق الحياة.
تحريات جريمة الخيانة الزوجية بحدائق المعادي
حصل بالمصري على أقوال شقيقة المتهم في الواقعة، وجاءت كالتالي:
“اللي حصل إن يوم الواقعة قبل العصر روحت على بيت أخويا عشان أنا كنت جايبة طلبات ليهم، ولما روحت قابلت مرات أخويا وإدتلها الطلبات وسألتها إذا كانت عايزة حاجة تاني وهي قالتلي إنها عايزة حاجات من السوق”.
وأضافت في أقوالها: “وأنا روحت وجبتلها ورجعت وإدتلها الطلبات وبعد كده خدت بنت أخويا علشان أمها تعرف تنضف البيت وخدتها وروحت على بيت صحبتي في دار السلام وقعدت معاها شوية”.
وتابعت شقيقة المتهم بالتحقيقات: “وأنا قاعدة معاها لاقيت أخويا كلمني وبيقولي إن في حاجة مش مظبوطه وإن أسماء كل شوية تكلمه وتقوله إنت هترجع إمتى البيت وقالي إنه هيروح على البيت بتاعه علشان يشوف في إيه وقالى تعالي ورايا وأنا استنيت شوية وروحت على البيت وكان معايا صحبتي وبنت أخويا ولما وصلت البيت كان باب الشقة مقفول وخبطت على الباب وأخويا فتحلي الباب ودخلت الشقة وأول ما دخلت لاقيت المجني عليه واقع على الأرض وكان مربوط بحبال وكان في دم في الأرض وسالت أخويا إيه اللى حصل وهو قالي إن لما دخل البيت ودخل أوضة النوم لقي مراته ومعاها المجني عليه على السرير كانوا مع بعض”.
وأشارت شقيقة المتهم بالتحقيقات: “أخويا قالي إنه مسك المجني عليه وضربه وبعد كده ربطه وأنا ساعتها قولتله إنه يتصل بالنجدة وأنا مشيت وصحبتي وبنت أخويا وروحنا على بيت صحبتي وبعد شوية جت الحكومة وأخدوني أنا وطلعوا بينا على بيت أخويا وبعدين خدونا على القسم والنهارده جيت على النيابة وهو ده كل اللي حصل”.
اقرأ أيضا:
