تامر حسين: عمرو مصطفى قالي أنا اللي منجحك وشاكوش مش ذوقي
حل الشاعر تامر حسين ضيفًا في برنامج "حبر سري" مع الإعلامية أسما إبراهيم، وتحدث خلال الحلقة عن علاقته بالملحن عمرو مصطفى التي انتهت بمكالمة تليفون.
أبرز تصريحات تامر حسين خلال الحلقة.
- أنا بشتغل مع عمرو مصطفى من 2004 لحد 2010 تقريبًا.
- كنت بشتغل معاه لوحده، وفي 2010 قال لي شق طريقك واعمل صحاب.
- عمرو مصطفى قالي أنا اللي بنجحك، قولتله مش عايز أنجح وعلاقتنا انتهت بمكالمة تليفون.
- عمرو مصطفى قالي لو هتشتغل معايا متشتغلش مع حد تاني.
- لما عمرو مصطفى زعل معايا ادى الأغنية لأكتر من شاعر علشان يشيل كلامي ويحط كلام تاني.
- علاقتنا مهنيًا انتهت بسبب شروطه لأني أنا مش تابع ومش بحب التبعية.
- هو بيحاول دايمًا يقلل من نجاحي، فربنا ينصرني أكتر ويكرمني من غيره.
- أنا شوفت ظلم كتير من ناس حاولت توصل لعمرو دياب.
- أي حد متوفقش يعمل حاجة تعجب عمرو دياب يحملني المسئولية.
- المقربين عارفين إن عمرو دياب عنده وجهة نظره الخاصة.
-عمري ما أثنيت على أغنياتي مع عمرو، كنت بقول له على حاجات مش بتاعتي.
-اتعلمت من عمرو دياب كتير، وأهم ميزة فيه الإصرار والشغف.
- أغنية يوم تلات متفصلة على عمرو دياب.. مش مقصودة.
- أنا معنديش مشكلة شخصية مع حسن شاكوش بس مش ذوقي فنيًا.
- حسن شاكوش خد أغنية بنت الجيران من حماقى ومدين.
- شاكوش مجبش أغنية من عدم، جاب أغنية مشهورة وعمل عليها كلام ونجحت.
- حقوق الأغنية مع الشركة المنتجة مش مع حماقى ولا مدين.
- نزلت أخبار إن تامر حسين مش هيضيف لتامر عاشور فبناءً عليه استثنى أغنيتي.
- بحب صوت تامر عاشور وإحساسه ومبسوط إنه أخد حقه الفترة الأخيرة وعنده جماهيرية كبيرة.
- أغنية مخصمالك أغنية متكاملة وفيها طاقة.
- شيرين عبد الوهاب صوت عظيم، لكنها تحتاج لإدارة جيدة فقط.
