ياسمين عز: المتزوجات خدوا كتير ولو مش هتتجوزي هتعيشي عمرك باسم واحد

كشفت المذيعة ياسمين عز خلال حلقتها من برنامجها كلام الناس المذاع على قناة  mbc، عن مميزات السيدة المتزوجة.

أعربت ياسمين عز عن رأيها الشخصى خلال الحلقة فى مميزات السيدة المتزوجة حيث قالت: "المتجوزين خدوا حاجات كتير اوي، وأنا هقولك ايه مميزات تكوني متجوزة، لو انتي متجوزة وبتكلمي صاحبتك في التليفون هتقوليلها اقفلي بسرعة عشان فرعوني حبيبي وصل البيت وتقفلي، لكن لو مش متجوزة هتقوليلها اقفلي عشان ماما بتنده عليا عشان أروح أشطب المطبخ وأغسل المواعين". 

تصريحات ياسمين عز

كما أضافت: "لو متجوزتيش بمزاجك هتفضلي طول عمرك عايشة باسم واحد، يعني مثلا لو اسمك دنيا هتفضلي طول عمرك دنيا عادي بدون أي اضافات، ولكن بعد الجواز هيبقى عندك أسماء كتير، زي حرم أستاذ محمد أو قرينة أستاذ محمد".  

كما سبق وتحدثت عن مقولة "وراء كل رجل عظيم إمرأة"، فقالت موضحة:" الحكيم أو العالم اللي قال وراء كل رجل عظيم إمرأة مقالش مراته ولا زوجته لو كان يقصد مراته كان قال اي اللي يخوفه، والعلماء اللي فسروا المقولة قالو أمه وأخته لكن زوجته ومراته  دي مدرسناش في المنهج، المثل ده بعيد خالص عن زوجته".