رامي إمام يكشف حقيقة عودته للتمثيل من جديد
كشف المخرج رامي إمام، موقفه تجاه العودة للتمثيل مرة أخرى، مشيرًا إلى أنه يفكر في الأمر من حين لآخر.
تصريحات رامي إمام
وقال رامي إمام في تصريحات إذاعية: "أنا فكرت إني أرجع للتمثيل، بس بتراجع بعد ذلك بسبب متاعب المهنة، مضيفًا: “إني أمثل دي خطوة محتاجة مليون سنة تفكير”.
واستكمل :"إني أمثل كوميدي دي محتاجة مليار سنة، موضوع الدم الخفيف حاجة رباني مش بتكتسب أو ممكن في الجينات، أنا مش بشوف دمي خفيف أنا بحاول طول الوقت أبقى مصاحب كل الناس اللي معايا عشان محسش بالغربة في التصوير".
وأضاف: «يمكن فكرت إني أمثل أو أرجع للتجربة لكن بفتكر فيلم النوم في العسل شاركت فيه وانا عندي 17 سنة وكانت تجربة صعبة ومتعبة جدا وبرجع أقول الحمد لله يارب إنك خليتني مخرج".
أعمال رامي إمام
وعن أعماله قال رامي إمام : “أغلب أعمالي كانت كوميدية ودا خلى الناس تشوفني في تصنيف إني مخرج أعمال كوميدية وأنا ضد التصنيف المخرج زي الممثل، الممثل لما يكون شاطر يقدر يعمل كوميدي وتراجيدي وأكشن ولازم يكون متنوع”.
واستكمل رامي إمام: “أنا بشوف نفسي كده عملت فيلم حسن ومرقص مكنش كوميدي بشكل كبير، وعملت عوالم خفية وبوحة، ابو نسب الناحية الكوميدية لازم تكون جوايا غصب عني والسوق هو اللي بيوجهني”.
اقرأ أيضا:طارق الشناوي: الدورة الاستثنائية من مهرجان الجونة قدمت المطلوب لدعم فلسطين
