محمد هنيدي يكتب فيلم عن إمبابة ويروي موقف كوميدي عندما قرر تركها.. فيديو

أعلن الفنان محمد هنيدى، عن استعداده لكتابة فيلم عن حى إمبابة، وذلك خلال لقائه مع الإعلامى معتز الدمرداش فى برنامج "ضيفى" على قناة الشرق.

تحدث الفنان محمد هنيدى عن حبه لموطنه إمبابة، كما عبر عن مدى تأثره بذكرياته هناك ومدى انتمائه له لذلك قرر أن يكتب فيلم، يحاكى فيه قصص حقيقة حدثت بالفعل فى حى إمبابة.

قائلا: "قريب هكتب فيلم عن إمبابة وهصوره هناك، لأنها مش مجرد مكان اتربيت فيه، أنا ابن كل بيت هناك وهي بلدي ومنطقتي وخدت منها كل حاجة واللي بقدمه في أعمالي شفته في الحقيقة واتربيت عليه، وخرجت بره إمبابة بعد البخيل وأنا لأن والدي لقى العيال بتجري ورايا في الشارع، بيقولوا الواد عطا اهو لأنه وقتها عمل حالة جميلة". 

تصريحات محمد هنيدي

كما روى إحدى القصص الطريفة التى حدثت بسبب رغبته في ترك إمبابة والانتقال إلى الزمالك، قائلا: "كانت أيام بروفات حزمني يا وكان ليا أجر وممكن أخد سلفة من المسرح، وخدت الفلوس أنا وأحمد عبد الله وقلنا هنقعد في شقة لوحدنا في الزمالك، وأنا كنت بحب العود وخدته معايا ودفعنا 600 جنيه في إيجار الشقة، كان وقتها رقم في الشهر والشقة حلوة أوي ولقينا الإجراءات سريعة، وطلعنا لقينا شقة لطيفة وقلنا نرمي الشنط ونريح ونشوف الحياة بكره".

واستكمل: "لقينا حد بيطبخ كأن أمك بتبطخ وإحنا كنا أجبن اتنين في العالم والموقف يموت من الخوف وقعدنا دقيقتين تلاتة وهو نفس الحكاية والموضوع بيزيد وعيلة بتطبخ وكنا بنتشل بالبطئ وأوحش خمس دقايق، ولما لقينا الموضوع بيعلى خدنا هدومنا واتكعبلنا على السلالم والعود اتكسر وجرينا الساعة 4 الفجر وعبد الله راح بين السريات وأنا إمبابة".