لورا عماد طليقة شريف منير تتعرض لحادث سير.. تفاصيل
كشفت الفنانة لورا عماد، طليقة النجم شريف منير، عن تفاصيل تعرضها لحادث سير كبير، مشيرة إلى أنها لم تقم بأى حادث طوال حياتها.
ونشرت لورا عماد على حسابها بموقع انستجرام فيديو لسيارتها، وعلقت: “عمري ما عملت حادثة في حياتي وطول عمري بقول إن الخوف من الناس اللي بتسوق حواليك مهما كنت أنت بتعرف تسوق، وإن اللي ربنا كاتبهولك هتشوفه، وأنك متملكش في نفسك ولا في اللي حواليك غير أنك تدعي لنفسك وللي حواليك إن ربنا يحفظنا ويلطف بينا، أما أهم اكتشاف اكتشفته إن الزحمة آمن بكتير من الشوارع الفاضية السريعة".
نجاة لورا عماد من حادث سير
وتابعت لورا عماد حديثها، قائلة: “أما الحاجه التانية اللي عارفها من زمان إن اللي بيمشي مبيعتبش بس بيسيب ناس اتكسر قلوبهم، لأنهم حبوك من قلبهم، بشكرك يا رب إني مكسرتش قلب حد وإني طلعت منها على خير.. ربنا يحفظكم كلكم ويحفظ ولادكم من شر الطريق وشر الناس المستهترة، وإن محدش مات حتى لو كان هو اللي غلطان لأني مش عارفة كنت هبقى عامله ايه لو كان حد مات، حتى إن كان هو الغلطان.. أرجوكم ارحموا أهاليكم ومتموتهمش وهما عايشين”.
اقرأ أيضًا: عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل
