"مش سايب حاجة لبناتي".. جمال حجازي يكشف تفاصيل إصابته بفيروس سي

كشف الفنان جمال حجازي عن تفاصيل إصابته بمرض فيروس C، مشيرًا إلى أن تجربة المرض من أصعب التجارب التي مر بها في حياته.

قال جمال حجازي في لقاء تليفزيوني مع الفنانة نشوى مصطفى: “كان في فترة أنا كنت فيها دي شغلتي وعندي 3 بنات في مدارس خاصة وكان لازم أشتغل، ومكنش عندي رفاهية أقول لا وكنت بقبل أي دور، وجيت في فترة جالي فيروس C من الدرجة الرابعة والأخيرة، والدكتور كان نائب وزير الصحة متابع حالتي وقالي أنت F4 والعلاج مش موجود في مصر ومكنتش أنا لوحدي كان في 3 نجوم مصابين”.

تفاصيل إصابة جمال حجازي بفيروس سي

وأضاف جمال حجازي: “العلاج كان هيتكلف 4 مليون ومكنش معايا فلوس والحكاية بالنسبة ليا كانت شاشة سوداء أمام عيني، أنا عندي 3 بنات ومكنتش عامل أي حاجة في حياتي خالص ولا سايب ليهم حاجة، وقاعد في شقة إيجار فكانت فترة صعبة جدًا عليا، وسبحان الله الدكتور قالي أنت ربنا بيحبك والعلاج اتوافق عليه وفي خلال أسبوع هتاخد الجرعة بس أنت أول ممثل هياخد العلاج هنصورك، قولتله لا ورفضت”.

واختتم جمال حجازي حديثه قائلًا: “خدت العلاج على نفقة الدولة ومدفعتش ولا جنيه، ومتصورتش ولا حاجة علشان ولادي، واتعالجت الحمد لله وبشكر الرئيس أنه دخل العلاج لمصر”.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة