يسرا عن فيلم ليلة العيد: مجموعة حواديت موجودة في الواقع
تحدثت الفنانة يسرا عن فيلمها الجديد " ليلة العيد" والذي يعرض حالياً بدور العرض السينمائية، مشيرة إلى أن الفيلم يناقش قضايا هامة نعيشها في الواقع.
تصريحات يسرا
وقالت يسرا خلال لقائها ببرنامج “ كلمة أخيرة” مع الإعلامية لميس الحديدي:" فيلم ليلة العيد جمع كل المشاكل اللي ممكن نواجهها بشكل مختلف، هو مش حدوتة واحدة دي مجموعة من الحواديت اللي تم ربطها بشكل جميل جدا، على يد الكاتب والسيناريست أحمد عبد الله ومن إخراج المتميز سامح عبد العزيز".
وأضافت:"لازم نقدم حاجة مميزة للجمهور وليها مذاق مختلف حتى لو قدمنا أنواع كوميدية لازم نعمل حاجة مخصوصة تتناول مشاكل حقيقية، وانا مش قلقانة من ذوق المشاهد وعارفة إن ممكن ميعجبهوش الفيلم أو يخافوا يتفرجوا عليه أو ميحبوش علشان بيوجع لكن عارفة إني عاملة حاجة صح وفرحانة بيها".
المشاكل التي ظهرت في الفيلم هي من الواقع
واستكملت يسرا حديثها قائلة :"المشاكل دي موجودة في بيوت كتيرة وحوالينا وفيه ناس بنتعامل معهم عندهم المشكلات دي، ولما بنقدم فيلم زي ده ونحسسهم إننا حاسين بيهم وباللي بيمروا بيه، سيختلف لأن الناس أحيانا بتهرب لمشاهد زي دي هربا من الوجع وعدم المواجهة، وتأخر خروج الفيلم للنور لم يؤثر عليه لأن الموضوع مش هيقدم هيفضل عايشين فيه طول الوقت فترة طويلة".
وذكرت أن جمع المشكلات في فيلم واحد أمر مهم قائلة: “لو اخترنا مشكلة مشكلة هنفضل نعيد ونزيد ونسرد المشاكل، مش بيقولوا البيوت أسرار، كل بيت عنده مشكلة من شكل مختلف”
اقرأ أيضاً:بعد غياب 3 سنوات.. تفاصيل عودة نبيلة عبيد للدراما بعمل جديد
