116 مليون فارق في سنة.. متحدث الموسيقيين يكشف تفاصيل أرصدة النقابة بالبنوك بعد تولي مصطفى كامل
كشف أعضاء نقابة المهن الموسيقية عن أرصدة حسابات النقابة بالبنوك، بعد تولي الفنان مصطفى كامل منصب نقيب الموسيقيين، وذلك بعد استقالته من منصبه.
قال الدكتور محمد عبد الله المتحدث الرسمي باسم نقابة المهن الموسيقية، أثناء زيارته برفقة أعضاء النقابة في إلى منزل الفنان مصطفى كامل: “أرصدة البنوك يوم 30\1\2024، صندوق المعاشات والإعانات فيه 8 مليون و191 ألف جنيه وكسور، وصندوق النقابة 2 مليون 840 ألف و985 جنيه، صندوق الإسكان 2 مليون و684 ألف و877 جنيه، البنك الأهلي المتحد 166 مليون و796 ألف”.
وتابع موجهًا كلامه لمصطفى كامل: “حضرتك لما استلمت النقابة والحساب كان فيه كام؟ ليرد مصطفى كامل: 69 مليون، أضاف محمد عبد الله: ”بنك مصر 595 ألف، يعني إجمالي 181 مليون جنيه، يعني الفارق 116 مليون جنيه فرق في سنة، وعايزنا نستغنى عنك؟ مستحيل".
زيارة أعضاء مجلس نقابة الموسيقيين لمصطفى كامل
قال مصطفى كامل: “دي مؤسسة يا جماعة في ظل انهيار مؤسسات كبيرة في الدولة، ومش عارفين يستفيدوا، وأنا مش قصدي تستغنوا عني، أنا راجل عسكري وطالب انضباط، دلوقتي المؤسسة دي مينفعش يطلع في موظف عندك أو يتشتم زميلي وأنا تاني يوم بضايف اللي شتمه، ودي حاجة من الاتنين يا إما أنت قابل بإهانة زميلك يا إما أنت راجل ضعيف، وأنا مش راجل ضعيف، قولنا دي دورة جديدة ودي ممكن يحتاج لها حد لو فرضنا أنه وضيع المستوى والنفس قبل انتخاباته بـ 3 شهور علشان يمسك الكرسي”.
اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة
