مصطفى كامل: "استلمت النقابة مكان لا يليق بالحشرات وزودت المعاشات 50%"
أعلن الفنان مصطفى كامل نقيب المهن الموسيقية، عن قرار عودته للنقابة، مؤكدًا أنه سيبدأ تنفيذه من الغد، بعد أن قام بالتلميح بالاستقالة عن منصبه منذ فترة، مشيرًا إلى أنه عمل على إصلاح النقابة على جميع الأصعدة.
قال الفنان مصطفى كامل خلال تصريحاته مع الإعلامي خيري رمضان: “العودة للنقابة لسة أول يوم بكرة إن شاء الله، وهي مكنتش مبادرة ولا حاجة قد ما كان قرار بإني أفوض ناس مكاني جايز تقدر تقوم بدور أحسن مني، وكلام زوجة حلمي بكر حاجة من الحاجات اللي استغربتها مش فاهم ليه قالت كدة، لكن للأمانة ساعات بتكون اشتغلت بكامل طاقتك وعاملت ربنا”.
مصطفى كامل يكشف تفاصيل قرار استقالته من منصب نقيب الموسيقيين
وتابع مصطفى كامل: “أنا دخلت لقيت النقابة بيت لا يليق بإن يعيش فيه حشرات مش بني أدمين، وفي خلال شهر بقى الناس بتيجي تتصور سيلفي جوة النقابة وفرحانين إنهم قاعدين في حاجة تليق بيهم، وكمان عملت على محاربة الفساد، قولت هدي فرصة شهر لـ اللي بيشتغل كويس تمام واللي لا يطلع برا، وللأسف كنا بنلاقي صفحات وهمية على السوشيال ميديا بيهاجموني وبيهاجموا الزملاء في المجلس ويقولوا علينا مرتشين وحرامية إزاي وإحنا وبتقارير محاسبين الإدارة، مستلم السنة اللي فاتت نقابة فيها أول عن آخر 69 مليون جنيه في شهر 11 سنة 2022، وأول امبارح فيها 81 مليون جنيه”.
أما عن معاشات أعضاء نقابة المهن الموسيقية، أشار مصطفى كامل إلى أنه عمل على زيادتها بمقدار 50%، مضيفًا: “أنا مستلم معاش النقابة 1053 جنيه، والنهاردة بقى ما يعادل زيادة 50% وبقى 1556، ولما بعدي ألاقي حبايبي مبسوطين عشان زودت المعاش بقيمة النص ويقولي أنا سعيد بقوله أنا مش سعيد، مش ده لسة اللي بحلم بيه في النقابة، ورحمة أبويا أنا بشتغل لله مش عشان أكسب ود حد، ودائما أقول ستظل أولويات الناس عندي عن المعاشات وكبار السن والمرضى، ميهمنيش الجمعية العمومية، أنا براهن على اليتامى”.
اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة
