هاني خليفة: "فيلم رحلة 404 مش للأطفال ونفسي ابني يشوف شغلي"

تحدث المخرج هاني خليفة عن تجربة فيلم “رحلة 404” بعد النجاح الكبير الذي حققه العمل منذ طرحه في دور العرض السينمائي، مشيرًا إلى أن جميع أفلامه تكون مصنفة للكبار فقط منذ فيلم سهر الليالي.

وكشف هاني خليفة مخرج فيلم “رحلة 404” عن استغرابه من نجاح الفيلم، بسبب إنه يتسم بالعنف، وقال: “مفيش فيلم عملته مش للكبار فقط، وده من أيام فيلم سهر الليالي، وعندي ابن نفسي يشوف شغلي ومش عارف إزاي”.

هاني خليفة مخرج فيلم رحلة 404

وأضاف هاني خليفة في تصريحات تلفزيونية: “مكنش في دماغي التصنيف العمري لفيلم رحلة 404، بس هو فعلا موضوع صعب ولا يناسب الأطفال، وأنا في رأيي إن منى زكي تقدر تقدم أي حاجة، ومن أول ما اشتغلنا في سهر الليالي وأنا بقول إنها مدهشة، ومن كتر ما المنتجين قالولنا إن الفيلم مش تجاري إحنا صدقنا ده”.

وتابع: “فيلم رحلة 404 تقيل وعنيف ومش الفيلم اللي تطلع منه مبسوط، بعكس سهر الليالي كنا متوقعين نجاحه، والفيلم بيحرك حاجة بين كل واحد وبين نفسه، ولو أنا في الموقف ده هعمل إيه وهكذا”.

واختتم هاني خليفة حديثه قائلًا: “كان فيه دعم من كل النجوم شيرين رضا ومحمد فراج ومحمد ممدوح وخالد الصاوي، وكان دعم كبير لمنى ولحفظي ولينا كلنا بس كلهم كانوا جايين يدعموا منى، وكانوا شغالين كأن الفيلم فيلمهم بجد”.

اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة