هشام جمال يروي قصة دفاعه عن ليلى زاهر خلال التصوير
روي الفنان والمنتج هشام جمال تفاصيل دفاعه عن ليلى زاهر، ضد أحد الأشخاص خلال كواليس مسلسل " في بيتنا روبوت".
تصريحات هشام جمال
قال هشام جمال خلال حلوله ضيفاً ببرنامج “ صاحبة السعادة” مع إسعاد يونس:"ليلى لما مضيت مسلسل في بيتنا روبوت كانت صغيرة، في أول سنة 2020، وأول مرة أشوفها في حياتي كانت مع والدها صاحبي وأخويا وحبيبي النجم أحمد زاهر، وفكرة إنها تبقى بطلة المسلسل كانت بعد ما شوفنا لها صورة على كوفر مع والدها وشكلها أكبر من سنها".
وأضاف: "وكانت في البداية بالنسبالي بنت أحمد زاهر اللي وصاني عليها قبل الشغل، وقال مش هوصيك دي بنتي وصغيرة، وهي فعلا كانت في الكنافة".
هشام جمال يروي تفاصيل دفاعه عن ليلى زاهر
وقال هشام جمال: "ثاني يوم في تصوير المسلسل فوجئت إن في شخص ماشي ورا ليلى في كل مكان، وبيخبط عليها ويقول أستاذ فلان عايزك علشان تراجعي معاه المشاهد، وفوجئت إنه صور مع ليلى تيك توك من غير ما تعرف، ونشر حاجات عن المسلسل".
ووصف هشام جمال لحظة المواجهة بينه وبين ذلك الشخص الذي حاول التواجد بجانبها أكول وقت قائلا:"بدأت المعلومات توصل عندي، وطلع واحد غريب نازل يتدرب إخراج، ونزلت دورت عليه في اللوكيشن، وأخذ اللي فيه النصيب، وكان آخر يوم له معانا".
ومن جانبها، قالت ليلى زاهر : "أنا كنت مرعوبة في الموقف، هشام بالنسبالي شخص طيب وكيوت ، ومتخيلتش أشوف منه الوش ده".
اقرأ أيضاً:طارق الشناوي: "فيلم أبو نسب أفضل من الإسكندراني لأنه مفيهوش إدعاء سياسي"
