هاني عادل: جاكي شان كان بيعدلي هدومي ومراتي بتساعدني في كلمات الأغاني
كشف الفنان هانى عادل من خلال مكالمته عبر برنامج zoom، مع الإعلامية لميس الحديدى، فى برنامجها كلمة أخير المذاع على قناة "on"، حيث كشف تفاصيل تعاونه مع الفنان جاكى شان وجون سينا فى فيلمه الجديد.
أبرز تصريحات هانى عادل
-فرقة وسط البلد موجودة بس إحنا كنا مشغولين فى التصوير وكذا حاجه.
-إحنا دايما موجودين مع بعض وبنعمل حفلات.
-بنحضر دلوقتي لألبوم جديد أغنية ع الوعد واحدة منه.
-مراتى هى إللى شاركتنى فى كلمات الأغانى، وترجمة كلمات بالمصري" أمار مصطفى".
-إحنا من زمان بنقدم نوع موسيقى اسمه world music، وهو كل أنواع الموسيقى فى العالم ممزوج بالموسيقى الشرقى.
-كان هدفنا أن الشرقى يوصل لكل الناس فى العالم.
-متطلبات السوق دلوقتي مش مجرد موسيقى، لازم يبقى فيه كليب.
-هما كلموا مدير أعمالى على الفيلم مع جاكى شان، وعرفت إن المخرج كان مصمم عليا.
-أنا كسول جدا، لكن حد من أصدقائى هو إللى شجعنى أسافر.
-روحت جلسة مع لايف كوتش وبعدها اتشجعت أروح السفارة.
-روحت السفارة في الأول ماتوفقش عليا.
-اضطريت أسافر هونج كونج عشان أحاول أخد التأشيرة من هناك.
- التمثيل مع جاكى شان كان حلم بنسبة ليا.
-كنت معلق صوره على الحيطة عندى.
-كنت بحاول ألبس بدلة الكاراتيه وألعب.
-كانت فكرة أنى أقف معاه واتصور كان خيال بالنسبة ليا.
- الفيلم كان مستنينى لحد ما أطلع التأشيرة.
-كنت مزهول وأنا شايف جاكى شان وهو بيظبطلى هدومى قبل المشهد.
-لقيت الفنانة ليلى عز العرب أول ما دخلت اللوكيشن وبيجمعنى معاها مشاهد.
-فجأة سمعت صوت بيرحب بيا وطلع جون سينا، وبعده دخل جاكى شان.
-مكانش فيه فرصة نتعرف على بعض، لكن بعد كدا بدأ يبقى فيه كلام بينا.
-كنت مسافر وأنا حاطت فى دماغى أنى رايح أمثل مصر.
-الفيلم نزل على منصة نيتفليكس فى الخارج لكن لسه منزلتش فى الشرق الأوسط.
-شوفت أجزاء من الفيلم لكن لسه الفيلم كله حتى الآن.
