تامر حسني لياسمين عز: المأجورين وفروا على شركة الإنتاج باند الدعاية

رد النجم تامر حسني على الجهوم الذي تعرض له فيلمه الأخير "تاج" الذي يُعرض الآن في مختلف دور العرض السينمائية، حيث تلقى فيلمه هجومًا من النقاد والجمهور على مواقع التواصل الإجتماعي.

ونشر الفنان تامر حسني في خاصية استوري عبر حسابه الرسمي بموقع التواصل الإجتماعي انستجرام فيديو للمذيعة ياسمين عز تدافع عنه فيه وترد على مهاجمي الفيلم من خلال برنامجها "كلام الناس" المُذاع على قناة "إم بي سي مصر"، وعلق عليه الفنان قائلًا: "زمن غريب جدًا الناس بتلوم المجتهد اللي بيخرج وبيألف وسايبين ضعاف النفوس والكسلانين" وأكمل: "أنا يكفيني شرفًا أن فيلمي" بحبك" حقق أعلى إيرادات في تاريخ السينما العالمية دوليًا".

رد تامر حسني على هجوم فيلم تاج 

وأضاف الفنان تامر حسني: "فيلم تاج اتباع بنجم شباك 1 مش من تجميعة نجوم، ودي حاجة تحسب للفيلم وأنا الحمدلله بعملها كل سنة، وكون اىفيلم نوع جديد على السينما العربية دة برضه يحسب للفيلم، والحمدلله الفيلم تم توزيعه عالميًا ودي أكيد حاجة تزعل الناس ضعاف النفوس، بينما واقعها علي العقلاء جميل الناس اللي بتتمنى الخير لابن بلدهم، وحاجة زي كدة بتشجعهم وتحسسهم أن مفيش مستحيل".

وتابع الفنان: " عايز اطمنك يا ياسمين إن في الآخر لا يصح إلا الصحيح و أن الجمهور ذكي جدًا وأن بسبب الحملات الساذجة دي زادت من الطلب على دخول الفيلم لإنها زادت من فضول الناس تجاهه وبقوا عايزين يروحوا يشوفوه عشان يحكموا بنفسهم وعجبهم لما راحوا بدليل الإيرادات الضخمة اللي حققها الفيلم".

وأردف تامر حسني: "أنا لو كنت جبت أكبر الشركات العالمية عشان تعمل دعاية لفيلمي مكانوش هيوصلوا لربع المفعول الإيجابي اللي حققته الحملات واللجان المأجورة دي لأنها أثارت فضول الناس انها تروح تشوف الفيلم، والله اللي عملوه ده مردوده أقوي من الدعاية اللي بندفع فيها فلوس".

تامر حسني يوجه رسالة شكر لياسمين عز

واختتم تامر حسني حديثه: "خلينا بالمرة نشيل من على عاتق شركة الإنتاج باند الدعاية عشان مكلفة جدا بصراحة وخلينا نسيب الدور دة للمأجورين وهما يدفعوه ربنا ما يقطعلهم عادة وحابب أفرحك أكتر يا ياسمين فيلمي اللي جاي من تصويري كمان، وبشكرك لدفاعك عن الحق يا أحلى ياسمين".