لطفي لبيب: إحنا عايشين في عصر بشتكة الدومينو
أعرب الفنان لطفي لبيب عن استيائه من الجو العام الذي يعيشه العالم في الفترة الحالية، والمشكلات التي تواجه كوكب الأرض.
تصريحات لطفي لبيب
وقال لطفي لبيب في حواره برنامج “مساء الاثنين مع خيري” ويقدمه الإعلامي خيري رمضان: "احنا اليومين دول عايشين في عصر شبيه ببشتكة الدومينو، نعيش عصر البشتكة لأن الدنيا كلها بتتغير والمناخ والاقتصاد بيتغير والجغرافيا بتتغير، بس التاريخ عمره ما يتغير".
لطفي لبيب يتحدث عن المشكلات الحالية في الكوكب
وأضاف لبيب: “زعلان من الكوكب لأنه عامل مشاكل كتير في بحر الصين ومضيق المندب والسودان والنيجر وأوكرانيا، وطبعا غزة دي حكاية لوحدها”.
وأضاف: " ربنا مبيغضبش أبدا على ناسه ولو الناس أفسدت في الأرض هما اللي بيتحملوا مسئولية الإفساد، ربنا مبيقدمش إلا كل خير، فمش عارف ايه اللي بيحصل في البشتكة اللي بتحصل دي".
واستكمل: "أنا قطرة من بحر مش عارف فين الميناء بتاعته، كلنا دلوقتي نفتقد الرؤية وكل حاجة ضبابية، معندناش الرؤية المستقبلية ومش عارفين بكرة فيه ايه، المتغيرات كتيرة جدا بس لازم نكون واثقين جدا أننا هنعدي بقوة وأي حرب حصلت في مصر إلا ويأتي بعدها رخاء".
اقرأ أيضاً:طارق الشناوي: "فيلم أبو نسب أفضل من الإسكندراني لأنه مفيهوش إدعاء سياسي"
