هنا شيحا: بقدر أنسق بين الشغل والأولاد ونفسي أقدم شخصية مرأة قوية
كشفت الفنانة هنا شيحة عن علاقتها بأولادها، وعن الشخصية التى تتمنى أن تقدمها فى عمل فنى فى المستقبل، إلى جانب حديثها عن العديد من الأمور حول حياتها الشخصية والمهنية.
تصريحات هنا شيحة
قالت هنا شيحا خلال لقاء تلفزيونى لها: "من حسن حظى أن أمى كانت بتساعدنى فى التصوير، وأنا من الأشخاص اللى بينسقوا بين الشغل والأولاد، وحاليًا هما كبروا وعلى علم إنى بشتغل ممثلة ومابقوش يضايقوا خالص، ودائمًا بحمد ربنا إن زمان كان عندى وقت أكتر أقضيه معاهم".
وتحدثت عن الدور التى تتمنى أن تقدمه، مؤكدًا أنها تتمنى تقديم دور السيدة القوية التى لها تأثير فى الوسط الإجتماعى والسياسي، قائلة: “أنا بحب السيدات الأقوية مثل هدى الشعراوي أو الأميرة فوزية”.
وصرحت هنا عن رأيها فى اختفاء بعض الفنانين وعدم تقديمهم أعمال فنية قائلة: "لو حسيت انك مش مطلوب فمن المفروض تشتغل على نفسك، لأن السوق هو عرض وطلب، وفى ناس لما بتختفى الناس بتطلبهم، واتقالى أني بختفى وده سببه أني مش بيعجبنى اللى بيتعرض عليا، وده الصح بس ده معناه أنك تختفى لكن لازم تشتغل على حاجة أنت عايزاها، لأن الحركة بركة اللى مش عاجبة المعروض عليه يعمل حاجة تانية".
آخر أعمال هنا شيحة
تعد مسرحية ميمو آخر أعمال هنا شيحا مع الفنان أحمد حلمى وهنا الزاهد، حمدى المرغني ونور إيهاب وأحمد رزق، من إخراج هشام عطوة وتأليف ضياء محمد، وتم عرض المسرحية في السعودية أكثر من مرة.
