بدرية طلبة: ياسمين عبد العزيز بتخدم عليا في أي عمل
تحدثت الفنانة بدرية طلبة عن علاقتها بالفنانة ياسمين عبد العزيز، والانسجام الكبير اللي بينهم في جميع الأعمال التي شاركوا فيها سويا.
تصريحات بدرية طلبة
قالت بدرية طلبة في تصريحات تليفزيونية:" نجمة بحجم ياسمين عبد العزيز لما بمثل معاها وبحترم وقفتها قدامي أوي وأكون خايفة أقول حاجة، تقولي لي في إيه ما تقولي وتضربني، وتقول لي يا بت ما تثعدي ساكتة ليه وأنا بكون محرجة، وبتقف تخدم عليا وتفرشي لي وأنا أرمي علشان كده ببدع معاها".
وأضافت بدرية طلبة: “بتعمل ده مع كل اللي بتحبهم أو اللي بتتفائل بوجودهم في العمل أو حابة وجودهم معاها واللي لترتاح في الشغل معاهم ، زيي انا وإيمان السيد أو حسن عبد الفتاح، فدايما إحنا معاها في تلات أرباع شغلها، فمعنى كده أن البني آدمة دي بتجيب الناس اللي بيقدموا حاجة كويسة، علشان يقفوا قصادها علشان هي واثقة من نفسها، وهي باسمها ده كله مش عاوزاني أقل منها بتكون عاوزاني أعلى منها”.
بدرية طلبة تتحدث عن كواليس فيلم حصل خير
كما تحدثت بدرية طلبة عن كواليس فيلم حصل خير قائلة: “ كنا بنقعد في أوضة واحدة في البريك كأننا في سينما ومحمد رمضان بيحكي بدايته وكلنا واقعين في الأرض من الضحك، شوية ونتنقل في أوضة كريم ويحصل مهازل، والكواليس لما تكون حلوة الجمهور بيشوف العمل حلو والفيلم كان دمه خفيف، لأن الراحة النفسية بتخليني مبسوطة قدام الكاميرا، الموضوع أبسط من كده إنك تطلع حابب اللي حواليك ودماغك تكون ماشية مع دماغهم”.
اقرأ أيضاً:مروان حامد: فيلم عمارة يعقوبيان كان مسئولية.. والزعيم أعطاني ثقة كبيرة
