كشفت أصعب موقف تعرضت له.. 26 تصريحا مثيرا للنجمة هنا الزاهد
كشفت الفنانة هنا الزاهد خلال استضافتها فى برنامج تفاعلكم المذاع على قناة العربية، عن النقد الذى تعرضت له، وعن مساوئ الوسط الفنى.
تصريحات هنا الزاهد
شكلى ساهم فى شهرتى فى الأول.
أصعب نقد تعرضت له زمان لما كانوا بيقولوا البت دى صوتها مش لايق على شكلها.
أنا بشوف نفسي قوية
لما كبرت عرفت أنها ميزة حلوة بتساعدنى أقدم أدوار كتير.
أحيانًا بامسح تعليقات جارجة وفيها شتيمة لأهلى.
ممكن أدخل أكتب للى بيشتمنى على الخاص.
أصدقائى كلهم ولاد وهى بنت واحدة من برا الوسط أسمها لينا.
أحمد حاتم صديقى أوى وهو إنسان فى منتهى الأخلاق وعلى ربيع كمان.
أقرب ناس ليا أخواتى فرح ونور .
هما أقرب ناس ليا دايمًا بتصور معاهم وبنزل صورى على السوشيال ميديا.
طلعت زكريا بالنسبالى أبويا.
أسوأ حاجة فى الوسط الشائعات والمجاملات لأنه بيضر الواحد.
بعرف أفرق بين الكلام الصح والمجاملة.
أتمنى كمان 10 سنين أحصل على جائزة عالمية.
بعدل فى الصور قبل نشرها.
بحب أعمل نمش ليا عشان بحب النمش جدًا.
مش عاوزة أكون زى حد عايزة أكون نفسي.
فى نجمات كتير ناجحة أتمنى أكون فى نجاحهم زى منى زكى، سعاد حسنى وشادية.
الناس هى اللى تقيمنى كفنانة أنا مش هعرف، أنا بحاول أجتهد.
دورى فى مأمون وشركاه هو اللى صنع أسمى.
قدمت فى الدراما أعمال من بطولتى، لكن فى السينما مش مستعجلة.
عايزة أعمل أكبر عدد من الأفلام مع نجوم كبار.
مضيت على أفلام من بطولتى.
لما بزعل من حد بعمله حظر على السوشيال ميديا.
أعطى لقب نجمة مصر للفنانة منى زكى.
ومن الجيل الحالى الفنانة أمينة خليل ودينا الشربينى ودنيا سمير غانم.
