رامي جمال: "المطرب النقاش مكنش مرتاح ليا وبحضر أغنية لرمضان"

علق المطرب رامي جمال، على مباركته للفنان تامر حسني على أغنيته الجديدة التي تم طرحها في نفس وقت طرحه لأغنية “بقيس الجمال بيكي”، إلى جانب حديثه عن تعاونه مع زوجته ناريمان في أغنية دوخناك يا فراق.

قال رامي جمال في تصريحات تلفزيونية، تعليقًا على مباركته لتامر حسني على أغنية 30 حياة: “مين له في رزقي إيه؟ إني أبارك لتامر حسني أو أي فنان زميل؟ أنا ببارك على عمل عجبني، وبقوله أكيد متزعلش يا تامر".

أما عن تعاونه مع زوجته ناريمان، أضاف رامي جمال: “ناريمان مراتي مبتزنش في أي حاجة خالص، أنا اللي اخترت ليها الأغنية وقررت أغنيها معاها، وإن شاء الله بحضر دلوقتي أغنية لتوديع رمضان هتنزل في آخر 15 يوم إن شاء الله”.

رامي جمال: المطرب أحمد سالم مكنش مرتاح ليا

وتطرق المطرب رامي جمال بالحديث عن المطرب النقاش أحمد سالم، قائلًا: “أحمد في الوقت اللي قررت فيه أنتج له كان هو مضى مع حد تاني، وأنا صعب أبدأ معاه وهو ماضي مع حد تاني، ربنا يبارك له وأنا مكنتش مستني من وراه فلوس أنا كنت هصرف فلوس، وهو مكنش مرتاح ليا في الوقت اللي أنا كنت متحمس له، وقرر وهو معايا يتعاقد مع حد تاني، ودي حاجة لا تعيبه وربنا يكرمه”.

وعن أحدث أعماله الغنائية، تابع رامي جمال: “عندي ألبوم في العيد وكنت محتاجه يكون في الشتاء وأعكنن عليكم، ولسة بادئ الإنتاج فبجرب، والشعب العربي شعب حساس والأغاني الدراما عبارة عن حكايات حصلت ودايمًا ليها وجود في قلب الجمهور وبندوس على الجرح، والحمد لله شوفت رد الفعل حلو أوي وأنا لسة طماع في حاجات كتير”.

اقرأ أيضًا: مروان حامد: فيلم عمارة يعقوبيان كان مسئولية.. والزعيم أعطاني ثقة كبيرة