أحمد السبكي: تامر حسني أفضل مطرب دخل مجال التمثيل
رد المنتج أحمد السبكي على التصريحات التي نسبت له ضد الفنان تامر حسني، مؤكداً أن أفلام تامر حسني تحقق أعلى الإيرادات.
تصريحات أحمد السبكي
قال أحمد السبكي في مقطع ڤيديو:"تامر حسنى فنان غني عن التعريف، وأنا شوفت إيراداته بنفسي في السعودية والخليج والوطن العربى كله، وهو أكبر إيرادات في الوطن العربى".
افلام تامر حسني
وأضاف أحمد السبكى خلال الفيديو:" أرقام الإيرادات التي حققها تامر حسنى في السعودية والإمارات ودول الخليج بشكل عام، لم يحققها أي فنان مصري، كما أن إيرادات أفلامه في مصر جامدة جدًا، وما تم تداوله بأني أخطأت فيه وفى نجاحاته، كان فيديو مفبركًا بشكلي وصوتي واتقال إن أحمد السبكى قال كده، طب هقول كده ليه؟!، وإيه المنافسة اللي بينا علشان أقول عليه كده؟!".
وتابع السبكى: "تامر حسنى ده عشرة سنين وبينا عشرة طيبة ، واشتغلنا مع بعض كتير، وأكلنا مع بعض عيش وملح، وعملنا نجاحات حلوة مع بعض، من أيام الست الجوهرة النجمة الجميلة عبلة كامل، في فيلم سيد العاطفى وعمر وسلمى، فتامر حسنى ناجح والناجح الناس دايمًا بتتكلم عليه، وهناك ناس مش ناجحة بتعمل لنفسها قيمة وهيّ مش ناجحة وعاوزة الناس تتكلم عليها إنما تامر ناجح بأفلامه وشغله كمطرب وممثل".
وأكد أحمد السبكي على أنه يعتبر تامر حسنى هو أحسن وأنجح مطرب دخل مجال التمثيل، وناس كتير مطربين حاولت تمثل ومانجحتش زي تامر حسني، وإحنا مع تامر حسنى منذ بداياته الفنية بنشتغل مع بعض وأنا بشوفه مثال ناجح وكويس وربنا يخليه لأهله ولحبايبه".
اقرأ أيضاً:طارق الشناوي: "فيلم أبو نسب أفضل من الإسكندراني لأنه مفيهوش إدعاء سياسي"
