أحمد سعد: "حفظت القرآن في طفولتي وهذه الأغاني تعبر عني"

كشف الفنان أحمد سعد عن تفاصيل مرحلة طفولته وعلاقته بأشقائه، إلى جانب حديثه عن النجاحات التي حققها خلال السنوات الماضية وتأثر الجمهور بأغنية إيه اليوم الحلو ده.

قال أحمد سعد خلال لقاءه مع الإعلامي أنس بوخش: “بقالي 3 سنين بنجح نجاح كبير عليا جدًا، وكل سنة بيحصل ليا حاجة غريبة الناس والناس بتقول هينجح سنة وخلاص بتقولي السنة دي سنتك فبخاف فبجتهد أكتر”.

وتابع أحمد سعد: “النجاح بالنسبالي إن كل الناس في الحياة يلاقوا عندك حاجة يحبوها ليك سواء بقى طريقتك أو خفة دمك، والناس بتسمع أغنية إيه اليوم الحلو ده في شوارع باريس والفقراء والأغنياء وبتعمل أجواء حلوة ليهم”.

أحمد سعد: مبحبش أبان طيب وغلبان

أما عن أقرب الأغاني له والتي تعبر عن شخصيته، أضاف سعد: “كنت عامل أغنيتين سألت نفسي كتير من أكتر الأغاني اللي بتعبر عني وأغنية أنا إنسان، وبحس إني ببان شكل وأنا من جوه شكل تاني والصراع بين الخير والشر هو ده أنا”.

واستكمل أحمد سعد حديثه قائلًا: “حاسس إني أنا طيب وغلبان ومبحبش كده، بس أنا كده مع نفسي بيصعب عليا نفسي والناس، وفي دايمًا علاقة روحانية بيني وبين نفسي، وبحب أبين للناس إني الجامد والقوي وأصيع واحد في الكوكب، والبني آدم عايز يوري حاجة عكس اللي جواه وفطرتي فيها حاجات تتداس”.

وعن حفظه للقرآن، اختتم أحمد حديثه: “ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايمًا في العيلة بحب أظهر عشان كنا 9 وحب الظهور ده نوع من أنواع الأمراض كنت بحارب طول الأسبوع عشان أبان قدامهم”.

اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة