أحمد سعد: "مقدرش أعيش من غير الشهرة وأنا متدين ومتصوف بشكل معين"

كشف الفنان أحمد سعد عن فترة تركه للمنزل وهو في سن الـ 15 سنة، إلى جانب الحديث عن رأيه في الشهرة، وحب الجمهور له.

قال أحمد سعد خلال لقاءه مع أنس بوخش: “سبت البيت وأنا عندي 15 سنة، اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة، وفضلت طول الوقت عايش عشان أثبتلهم أن وجهة نظري صح”.

وتابع أحمد سعد: “طول حياتي بثبت للناس ومفكرتش أبدًا أثبت لنفسي، وكل الناس في طفولتها بتخرج أنا كنت بروح أشتغل في 4 أماكن ورا بعض وأمسك شنطة الملحن وأعمله شاي عشان أغني وأقول مواويل”.

تصريحات أحمد سعد

وأضاف أحمد سعد: “حلمت وأنا عندي 25 سنة وشوفت حاجات عن نفسي غريبة، فيها شخص مختلف تمامًا شوفت أنا فين وممكن أروح فين بعد كده، وصحيت من الحلم ميت من العياط وبسبح كتير قوي، وعندي إحساس دايمًا وأنا ماشي في العربية بقعد أستغفر لكل الناس، وأنا متدين ومتصوف بشكل معين”.

واختتم حديثه بالكلام عن رأيه في الشهرة، مضيفًا: “مقدرش أعيش من غير الشهرة، والحاجة الوحيدة اللي آذتني فيها إني مش عارف أكون مع ولادي في الملاهي”.

اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة