بيومي فؤاد: "مبتكسفش أعمل كاستنج في السن ده"

تحدث الفنان بيومي فؤاد عن كثرة مشاركته في الأعمال الفنية ما بين الدراما والسينما والمسرح، مؤكداً أنه بالرغم من ذلك لا يخجل في عمل كاستنح قبل أي عمل.

بيومي فؤاد يتعرض لأزمة صحية مفاجئة.. اعرف التفاصيل

تصريحات بيومي فؤاد

وقال بيومي فؤاد خلال حلوله ضيفاً ببرنامج " صاحبة السعادة" مع الإعلامية والفنانة إسعاد يونس:"بحب الشغل جدا،  ودايما بطلب من ربنا عدم الجلوس في المنزل بدون عمل، وانا طالع لأبويا وبحب الشغل، وبدعي ربنا على طول أنه يكفينا قعدت البيت من غير شغل، وفيه ناس لما بتطلع معاش حالهم بيتغير لما بيقعدوا في البيت، ومن وأنا موظف حكومي كنت بعمل 3 مسرحيات في نفس الوقت ومبيفرقش معايا تعب، وكنت راضي وبحمد ربنا، فموضوع الكم ده من زمان".

بيومي فؤاد لا يمانع من عمل كاستنج

وكشف بيومي فؤاد، رأيه في خضوع الفنانين لكاستينج قبل التعاقد على الأعمال الفنية، قائلًا:" قبل الشهرة بشوية عملت كاستينج مع المخرج  يسري نصر الله ومخدنيش، ولما قابلته بعد كدا اتكسفت أني أسأله، بس هو اللي قالي مش أنا كنت عملتلك كاست ومخدتش، عارف ليه؟ عشان أنت مكنتش لايق على الدور ده في الوقت ده ، مبتكسفش من أني أعمل كاستينج في السن ده، أحمد بدير ونور الشريف عملوا كاستينج مع يوسف شاهين في فيلم  المصير".

بيومي فؤاد يتحدث عن أول أجر حصل عليه 

وتحدث الفنان بيومي فؤاد عن أول أجر حصل عليه من الفن، وقال:" اول أجر اخدته كان 750 جنيهًا، وعملنا بروفات لمسرحية مدة سنتين، وعرضناها في مركز الهناجر للفنون الكلام ده في سنة 1997، وأجري فيها كان 750 جنيه، والرقم ده أنا مصدقتش نفسي، معقول همثل والناس هتتبسط وكمان هاخد فلوس، هي دي النعم، أنا كنا بنصرف على المسرحيات قبلها".

اقرأ أيضاً:إلهام شاهين: "مرتبطة بالسيدة العذراء ومريم أكتر سورة بحبها في القرآن"