أسرار عائلية يرويها بيومي فؤاد وزوجته مع إسعاد يونس
روى الفنان بيومي فؤاد وزوجته أماني سويدان عن بداية تعارفهما ببعض وقصة حبهم خلال تواجدهم بكلية الفنون الجميلة.
تصريحات بيومي فؤاد وزوجته
وقال بيومي فؤاد خلال حلوله ضيفا ببرنامج صاحبة السعادة بصحبة زوجته:" أنا أكبر منها بكتير ومحضرتش أيامي وأنا طالب، لكن كنت أروح الكلية أساعد في الإخراج للفرقة المسرحية أو أخرج أو أمثل".
وأضاف:" المخرج تامر محسن والسيناريست محمد عبد الخالق كانوا طلبة في جيل بعدنا، وعملوا ورشة انضمت لها أماني، وشافوا إنها ممثلة كويسة ويجي منها، لكن مكملتش في التمثيل وكانت طالبة شاطرة وتحصل على امتياز بدأت تساعد في الديكور، وشافتني أيام المسرح".
قصة تعارف بيومي فؤاد وزوجته
وردت زوجة بيومي فؤاد قائلة: "فرقة المسرح كانت جادة جدا ومناسبة لشخصيتي وحبيت المسرح، ولما دخلت شوفت بيومي وبقى عندي فضول أستكشفه".
وتابعت: "في مرة من المرات وهو بيصلي على خشبة المسرح، ورغم إنها مش أول مرة اشوفه فيها، ومش هو الوحيد اللي بيصلي على المسرح، شعرت إنه سجد في قلبي، ولقيت نفسي بقول أنا بحب الراجل ده أوي وعايزة اتجوزه ".
وأكملت: "الخطوة اللي بعدها كانت أغرب، روحت البيت وقلت لهم في شخص اسمه كذا هيتقدم لكم، وهو مش عارف اسمي أصلا، وكانوا في انتظاره، وبعدها إتكلمنا والموضوع مشي بإيقاع سريع جدا وكلنا استغربنا إزاي دة حصل".
اقرأ أيضاً:في ذكرى ميلاد شرير السينما... هل دفن محمود المليجي شقيقته حية؟
