عصام كاريكا: محمد سعد غير كلمات أغنية ياللي نسيت الغرام
روى الفنان والملحن عصام كاريكا، كواليس أغنية أول ما عرفت إنك، والتي غناها الفنان محمد سعد في أحداث فيلم بوحة، موضحا أنها كانت سبب خصامه ومحمد سعد حتى الآن.
تصريحات عصام كاريكا
وقال عصام كاريكا خلال لقائه ببرنامج " معكم منى الشاذلي":"متعاملتش انا ومحمد سعد من وقت أغنية أول ما عرفت إنك في فيلم بوحة، عشان طلب يغير كلمات الأغنية، وأنا قولتله ياعم مينفعش".
وأضاف عصام كاريكا: "كلمات الأغنية الأساسية بتقول: أول ما عرفت إنك عايزني جيت أوام، ما أقدرش أستغنى عنك يا معلمني الغرام، وهقولك برضه عيني يا وحشني ألف عيني، وهقولك برضه عيني ياللي في بعدك كاويني، أؤمرني هتلاقيني تحت السلام بنام، والقافية متماشية، محمد سعد بقا حب يغيرها لـ أول ما عرفت انك عايزني جيت أوام، ما اقدرش استغنى عنك يا معلمني الغرام، وهقولك بردة عيني يا وحشني الف عيني، وهقولك بردة عيني يلي في بعدك كاويني، أؤمرني هتلاقيني سجادة بين إيديك".
خلاف عصام كاريكا ومحمد سعد
واختتم عصام كاريكا: "محمد سعد زعل ومشي وكلمت المنتج أشرحله الوضع وأنه مش هينفع نغير كلمات الأغنية، قالي مشي الفيلم عشان خاطري، وغيرنا كلمات الأغنية ونجحت، ولحد دلوقتي زعلان وبتقطع كل ما بسمع الأغنية دي".
اقرأ أيضاً:عصام السقا: الشغل مع خالد يوسف شرف ليا.. والعوضي عايز الكاست كله ينجح
