خالد الفايد يعتزل الفن للمرة الثانية.. ما القصة؟

قرر الفنان الشاب خالد الفايد العودة للاعتزال مرة أخرى بعدما تراجع عنه الشهر الماضي، حيث كتب عبر حسابه على "فيسبوك": "أولًا وبدون مقدمات أنا هتعزل السوشيال ميديا".

أضاف خالد الفايد: "هعتزل فترة مؤقتة لحد ما أكون مؤهل إن أنا أتعامل مع الناس بطبيعتي مرة تانية ولكل حد أنا شتمته أو نزلت بوست عليه وتعديت حدودي كشاب لسه بيبدأ وبيقول بسم الله في المجال، من هنا ورايح كلامي من غير شتايم ولا تقليل من أي شخص".

اعتزال خالد الفايد

وتابع خالد الفايد: "هلتزم في الچيم وأتمرن كويس وهبدأ اتعلم من أخطائي اللي فاتت وهحاول مكررهاش دا آخر بوست ليا الفترة دي ومش هبدأ أكتب بوستات إلا لما ألاقي نتيجه من كلامي دا وأحس إن بدأت أبقى شخصية إيجابية ومؤثرة بفني الكويس.. وشكرًا لكل اللي دعموني ووقفوا جمبي بجد بحبكم".

تراجع خالد الفايد من الاعتزال

كان الفنان الشاب خالد الفايد قد أثار ضجة واسعة بعد تراجعه عن قرار الاعتزال والعودة للغناء مرة أخرى، حيث نشر عبر صفحته على "فيسبوك" صورة تجمعه بالفنان تامر حسني، وعلق: "قالولي اللي تختاره تقعد على الكرسي بتاعه، ساعتها اختارت تامر ومكنتش متخيل رد فعله أبدًا، ومن وقتها حددت هدفي إني اشتغل على نفسي لحد ما أقعد الكرسي وأكون محكم بجد مش متسابق.. مكمل ولا عزاء للمتخلفين فكريًا".