أركب على الموجة سبب في معاناة سمية الخشاب.. ما القصة؟

حلت الفنانة سمية الخشاب ضيفة فى برنامج ET بالعربى، وأعربت عن سعادتها بنجاح أغنيتها الجديدة "أركب على الموجة"، التى طرحتها منذ أيام قليلة عبر قناتها الرسمية على اليوتيوب ومختلف منصات الموسيقى، وتصدرت التريند.

قالت سمية الخشاب: "أنا عملت دعاية وصورت فى البيت بلبس غير بتاع الكليب، وبعد نص ساعة من تنزيل الفيديو على التيك توك لقيته بقى 5 مليون مشاهدة، وخلال 3 أيام من على مواقع التواصل الأجتماعى تخطى الـ 13 مليون مشاهدة، وده رقم مكنتش أحلم بيه خصوصًا أن الكليب منزلش".

تصريحات سمية الخشاب

وأضافت سمية الخشاب: "نجاح أركب على الموجة غير متوقع فى ساعت من نزولها، خاصة أن الأغنية نزلت فى وقتها فى ظل الأجواء اللى أحنا فيها وانقطاع الكهرباء، وصورنا الكليب فى وقت صعب، الغردقة ودرجة الحرارة 40 وكل الفنادق مليانة فكان صعب إننا نصور من غير ما الناس تبص على كاميرا".

وتابعت قائلة: "كان فى أجانب ورانا مكنوش مركزين الحمد لله ولكن تفاعلوا أوى مع الأغنية وكانوا مبسوطين جدًا، والأغنية جريئة وشبابية وخفيفة للصيف وشيلنا كلمات وحطينا مكانها كلمات تانية، وقالوا لازم تتصور فيديو كليب".

رد سمية الخشاب عن بعض الانتقادات

علقت سمية عن بعض الأنتقادات قائلة: "بقول فى الأغنية أنفخ عوامة مفسية ودى جملة عادية، بس المصريين دمهم شربات وبناخد الكلام فى الإطار اللى بيضحكنا، احنا لازم نتوقع أى حاجة من المصريين بسبب خفه دمهم، ولما غيرنا كلمات الأغنية قولتلهم الكلمة دى جريئة والناس هتحط عليها كلمات، لكن ده كلام الشارع فعادى".