دينا: أنا أم صارمة وابني مش مرفه وبقى شبهي غصب عنه

تحدثت الفنانة دينا عن تجربة  تربية ابنها الوحيد بمفردها بعد وفاة والده المخرج سامح الباجوري، مؤكدة  أن جملة "تربية واحدة ست" ليست مهينة كما يظنها البعض.

دينا تعلق على ضعف إيرادات فيلم "الملكة".. ما علاقة منتخب مصر؟

تصريحات دينا 

قالت دينا خلال حلولها ضيفة ببرنامج " الستات " مع الإعلامية سهير جودة:"كل بيوت مصر مربياهم واحدة ست، مهما كان في رجل في البيت، فهو في شغله طول النهار، وبيرجع آخر الليل، مابيربيش، كل مصر مربياها ست"

وتابعت:" أما في حالات الانفصال، وإيه اللي خلاه مش موجود؟ ما ياخد أولاده خميس وجمعة يربيهم؟ هو مش عايز يبقى موجود لو عايز أهلا وسهلا، ياخد الولاد يربيهم يشوف إيه اللي حاصل طول الاسبوع ويقومهم في اليومين، عدم وجود الأب صعب جدا، وصعبة على الأم، وديما بنصح صديقاتي ماتطلقيش  لو ولادك وصلوا 12 سنة عشان مش هتقدري عليهم".

وأضافت: أنا أم صارمة جدا، ابني مش مرفه، ومحطتوش في سكة إنه يبقى مرفه، خليته يعتمد على نفسه من صغره، لأن أنا بعتمد على نفسي لحد انهاردة، وأنا معملتلوش أنا عملت لنفسي، هو يعمل لنفسه".

دينا تتحدث عن ابنها

وردت دينا على سؤال  سبب رفضها أن يستمتع ابنها علي بأموالها قائلة: “ومايبقاش بني آدم؟ يبقى تابع؟ لو أنتِ بتربي كدة يبقى (في الفسكونيا)، يطلع رجل ويعتمد على نفسه، بيل جيتس أعطى لابنه 100 ألف دولار فقط ليبدأ بهم خياته، بالرغم من أنه  يمتلك ملايين، لازم يتعلموا يعمل حياته ومسقبلة”.
وأضافت:"  ابني بقى شبهي غصب عنه لأنه عايش طول عمره معايا وعارف طبعي وشخصيتي ، وحب المطبخ عشان أنا بحب المطبخ، وعندما قرر دراسة الطبخ كنت عايزاه يدرس إدارة أعمال (بيزنس) وبعدها ياخد كورسات طبخ، ورد علي قائلا: (هو حضرتك لما قولتي لأهلك عايزة ارقص وافقوا؟) قولت له (لا)، وقال لي (أنت نجحتي في إيه؟)، قولت له (الرقص)، قال لي (ممكن تسبيني أدرس طبخ).. سكت وقولت له (اتفضل)".

اقرأ أيضاً:عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل