"زى محمد صلاح".. مجدي الهواري يشيد بأداء مي عمر في "نعمة الأفوكاتو"

أشاد المخرج مجدي الهواري بأداء الفنانة مي عمر من خلال شخصية “نعمة سعيد أبو علب” في مسلسل “نعمة الأفوكاتو”، الذي ينافس في موسم رمضان 2024.

نشر مجدي الهواري عبر صفحته على فيسبوك بوستر المسلسل، وعلق: “ما شهدته إلى الآن من أصعب وأحلى الشخصيات النسائية في التمثيل اللي شوفتها لحد دلوقتي في رمضان هي شخصية نعمة أبو علب لـ مي عمر في مسلسل نعمةالأفوكاتو,, والله أنا بقول للممثلين الكلام ده واخيرًا لاقيت حد يسمع الكلام أو علشان لا أظلم أحد ده ذوقي في التمثيل رغم غنها تبدو سهلة وبسيطة ولكنها شخصية مركبة ومتناقضة في نفس الوقت يعني سهل ممتنع من الاخر زى محمد صلاح في الكورة تحس إنه مش بيعمل حاجة وهو يحرفنه بسيطة بيعمل كل حاجة بس لاعبه لوحده من غير ماتشوشر عليه بلعيب local”.

مجدي الهواري يشيد بأداء مي عمر

وتابع مجدي الهواري: “ولازم يكون الممثل اللي يعملها وبالحلاوة ديه يكون بيتفرج كتير على المسلسلات الإسباني تحديدًا لأن هما الموضة دلوقتي في التمثيل.. والله لازم بعض الممثلين يشتغلوا علي نفسهم ويشوفوا الموضوع رايح فين في العالم كله، زي ما من الواضح  اللي عملت مي عمر كده برافو مي وبرافو محمد سامي وشكرًا مها سليم علي الانتاج اللي متعوب عليه ده واللي هيقولي انت مستعجل اقوله الجواب بيبان من عنوانه هيبقي من الـ top 5 في رمضان والنهارده هقولكم الباقي”.

مسلسل نعمة الأفوكاتو 

مسلسل “نعمة الأفوكاتو” بطولة الفنانة مي عمر، أحمد زاهر، أروى، كمال أبو ريه، عماد زيادة، أروى جودة، وعدد كبير من الفنانين وضيوف الشرف خلال الأحداث، والعمل من تأليف محمد سامي، مهاب طارق وإخراج محمد سامي.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة