"في ضهر القضية من 20 سنة".. أول رد من تامر حسني على انتقادات إعلان شيبسي
رد الفنان تامر حسني على كم الانتقادات والهجوم الذي تعرض له خلال الأيام القليلة الماضية، وذلك بعد عرض إعلان شيبسي في شهر رمضان المبارك، ومن المعروف أن هذه الشركة تدعم الاحتلال الإسرائيلي وقاطعها العديد من المواطنين.
نشر تامر حسني عبر صفحته على انستجرام بند من عقده مع شركة شيبسي، وعلق: “مساء الخير عليكم بقالي يومين بتابع اللي بيحصل واحترامًا للجميع أنا بوضح حاجه بخصوص إعلان شيبسي الأخير.. أولًا: أنا على قوة الشركه من سنتين قبل أى أحداث وده مش أول إعلان ده ثالث إعلان في عقدي، معلش أحيانًا الكلام عند بعض الناس بيبقى سهل وتحديدًا لما بيكون بدون علم بالعقود وبحيثيات الموضوع كله”.
رد تامر حسني على انتقادات إعلان شيبسي
وتابع: “ثانيًا.. أنا مضيت على عقد مكتوب فيه إن شيبسي شركه مصرية ولها سجل تجاري ضريبي مصري منفصل والبند قدامكم اهوه لصدق كلامي، ثالثًا.. والأهم لأى حد بيشكك في انتمائي للقضية الفلسطينية هقوله أنا من 20 سنة وأنا في ضهر القضية ومش كلام وأغاني بس لا، أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب مجاملة مثلاً”.
واختتم تامر حسني حديثه قائلًا: “أخيرًا.. أنا لما قررت أكون الوجه الإعلاني لشيبسى من سنتين لإنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم إن الشخص البسيط يقدر يشتريه في ظل ظروفنا الاقتصاديه وأظن ده واضح في الإعلان .. ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع و للّي مش وصلاله الصوره بكل احترام .. وشكرًا لكل اللي ردوا عني وهما مغمضين حقيقي انتوا نعمه كبيره من ربنا ألف شكر ورمضان كريم على الجميع”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
