فيفي عبده: "بيجيلي عروض زواج كل يوم ولو حفيدتي طلبت ترقص هرفض"

أكدت الفنانة فيفي عبده، أنها تتلقى العديد من عروض زواج حتى الآن، وأعربت عن استياءها بسبب انتقادات الجمهور للسيدات اللاتي يتزوجن في سن كبيرة.

وقالت فيفي عبده خلال لقاءها في برنامج “حبر سري”: “كل يوم بيجيلي عرسان والكومنتات كلها طلبات زواج ولكن أنا ست متجوزة ولو أنا وحيدة اتجوز، واللي بينتقدوا الزواج في السن الكبير، هي الكبيرة متتجوزش وليه الكبيرة متتجوزش والناس المفروض متنتقدش، وفي ناس بتبقى محتاجة ونس في البيت”.

وعن رأيها في دخول حفيدتها مجال الرقص، ردت: “لو حفيدتي طلبت ترقص هرفض، وأيامي كان الرقص حاجة تانية وكان فيه احترام، وكل الناس اللي قعدة تتفرج على العروض مهمين ومش أي كلام وكان ناس ثقيلة ومحترمة”.

فيفي عبده: الرقص الشرقي كان ليه قيمة عن دلوقتي

وتابعت فيفي عبده: “مش ممكن أسمح لها بده وهى اتعلمت وأنا اتبهدلت في الشغل عشان أوصل لمكانتي دلوقتي، والرقص الشرقي كان زمان له جمهور وقيمة عن دلوقتي، وأنا برقص في البيت، ومصر كانت مليانة راقصات ودلوقتي وكفاية المهاجمة للرقص طوال الوقت، والكتاب يطلعوا أي واحدة عايزة تنحرف تبقى رقاصة ودي نقطة ضعف”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة