مصطفى كامل عن طارق الشناوي: "مبحبش طريقته وكل ما تهاجم زميل هدافع عنه"

وجه الفنان مصطفى كامل رسالة إلى الناقد الفني طارق الشناوي، وذلك بعد انتقاد الأخير للفنان مصطفى قمر وصناع فيلم أولاد حريم كريم خلال الفترة الأخيرة.

قال مصطفى كامل في تصريحات تليفزيونية: “دافعت عن صاحبي وأخويا مصطفى قمر، لأن الفيلم تعب فيه فريق العمل والناس أكلت عيش وده رزقهم، مينفعش أمسك قلم وأقعد أشتم، مش بحب الطريقة دي”.

تصريحات مصطفى كامل

كما انتقل مصطفى كامل بالحديث عن الناقد طارق الشناوي، قائلًا: “مش بحب الطريقة اللي بينتقد بيها الناس، دايما بيقول ده فاشل والآخر ساقط، يا طارق يا شناوي كل ما ألاقيك بتهاجم زميل لي سأدعمه لأني نقيب مصر هدافع عن زملائي، لأن ده مش نقد”.

أزمة مصطفى قمر وطارق الشناوي

وكان قد انتقد طارق الشناوي فيلم أولاد حريم كريم وبطله الفنان مصطفى قمر وقال إن العمل لا يمت للسينما وأنه أسوأ الأفلام والأعمال الفنية التي تم تقديمها، ووصف مصطفى قمر بالمطرب الذي فقد بريقه وهو الأمر الذي رد عليه قمر وهاجمه بشدة.

ورد عليه مصطفى قمر، قائلًا: “هو أنا مش طلبت منك تبعد عني أصلًا وما تتكلمش عني علشان ماتتهزأش طيب أنت اللي جيبته لنفسك عموما ياللي اسمك طارق أنت كاتب كلام أهبل يدل للمرة المليون أنك ماشفتش الفيلم، وعموما اللي هيرد عليكجمهور السينما الحقيقي اللي دخل الفيلم اللي مالوش دعوة بالنفاق أو مصلحة أي فيلم تاني، فكرني كده شغلتك ايه، هي من أربع حروف بيتهيألي”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة