انتصار: متوقعتش نجاح أعلى نسبة مشاهدة كدا
تحدثت الفنانة انتصار عن تفاصيل مشاركتها في مسلسل "أعلى نسبة مشاهدة"، موضحة أنها تفاجئت من ردود الأفعال على المسلسل، كما تحدثت عن دورها في مسلسل " المعلم ".
تصريحات انتصار
قالت انتصار خلال حلولها ضيفة ببرنامج تفاعلكم مع الإعلامية سارة الدندراوي:"مكنتش متوقعة إن مسلسل أعلى نسبة مشاهدة يحقق النجاح ده، ورد الفعل كان من أول حلقة من قبل ما رمضان يبدأ".
واضافت:" أنا مريت بالنجاح ده قبل كده ومش متفاجئة بيه ولكن متفاجئة إن ده حصل من أول يوم رمضان".
واستكملت:" شخصيتي في أعلى نسبة مشاهدة شبه الأمهات اللي بتكره عدوها اللدود اللي دخل البيت اللي هو التليفون، اللي خلى العيال ولا بتذاكر ولا بتنام وبوظ التواصل الاجتماعي اللي بين الأسرة، وانا بحب السوشيال ميديا وبحس أني بشوف الدنيا ومبقاش في مسافات، ولكن ميبقاش بياخد كل الوقت وطاقة وتفكير ويمنعنا نشوف الدنيا، في ناس مبتشوفش النور".
وعن تفاصيل شخصيتها في المسلسل قالت:" شعري كان متحني في مسلسل أعلى نسبة مشاهدة، لأن المخرجة قالت الشخصية من بيئة فقيرة لما تحب تصبغ هتعمل حنة، وطلعت مفيدة وأحسن من الصبغة ياريت كل الستات تستعملها، وشكلي هكمل فيها للأبد".
شخصية انتصار في مسلسل المعلم
وعن دورها في مسلسل المعلم قالت انتصار:" مش عارفة إزاي طالعة أم منذر رياحنة في مسلسل المعلم، ومن وانا صغيرة بعمل دور أم، طلعت أم أحمد الفيشاوي أحمد عزمي، وممكن أعمل أم يحيى الفخراني ويسرا لكن أم منذر رياحنة لأ، هو أسمراني ووشه جبلي، فمش قادرة حطوه جنبي وشوفوا ينفع أبقى أمه ولا لأ".
وأضافا:" أنا بقول رأيي يعمل جدل أو ميعملش بقوله، لأن الفنان بيبقى حياته مش ملكه لأن مفيش حاجة عنده بتستخبى".
اقرأ أيضاً:مها الصغير: أتعرضت للتنمر وأنا صغيرة بسبب مهنةبابا والفلسطينيين علمونا عزة النفس
