نجوى فؤاد: ضيعت عمري ببلاش وبقالي 6 أشهر بتعذب ومحدش سائل فيا
أعربت الفنانة نجوى فؤاد، عن استيائها الشديد بسبب عدم اهتمام نقابة المهن التمثيلية بها، وذلك بعد تدهور حالتها الصحية، خلال الفترة الماضية، بجانب عدم سؤال زملائها الفنانين عليها خلال فترة مرضها.
تصريحات نجوى فؤاد
وقالت نجوى فؤاد في تصريحاتها مع الإعلامية سهير جودة: “مفيش حد من الفنانيين ولا النقيب سأل فيا الفترة اللي فاتت، وبقالي 6 أشهر بتعذب ومليش معاش علشان إحنا موظفين بالقطعة، مفيش أي حاجة للفنان خالص، الواحد ضيع عمره ببلاش”.
وتابعت: "الدكتور أشرف زكي قالي المعاش أعتقد 600 جنيه، قولتلهم ده أنا بديهم للبواب، الرحمة من عند ربنا ولازم يدوا الفنانيين أكتر من اللي بياخدوه دلوقتي لأننا قدمنا كتير للفن ، لأن إحنا خدنا ملاليم وهما بياخدوا ملايين، لازم يساعدوا الناس الغلابة اللي مش قادرة تجيب مضاد حيوي علشان تتعالج، لازم يبقى لينا حل".
نجوى فؤاد والرقص الشرقي
وكشفت الفنانة والراقصة نجوى فؤاد في تصريحات سابقة عن أنها لم تعتزل الرقص الشرقي، وقالت: "إحنا للأسف مبقاش عندنا رقص شرقي في مصر، واللى بنشوفه دلوقتي عبارة عن عري فقط من الراقصات الأجنبيات".
كما تحدثت الفنانة نجوى فؤاد عن رأيها فيما يحدث في الساحل الشمالي الفترة الأخيرة قائلة: "السوشيال ميديا أصبحت تحمل فسادًا كبيرًا والساحل الشمالي فيه بعض الأماكن دلوقتي، بقت كباريهات درجة تالتة، والروسيات بوظوا المصريات، وربنا قال احتشموا وإحنا شعب ليه عاداته وتقاليده اللي لازم نلتزم بيها، والرقاصة في رأيي لو محتشمتش تبقى رخيصة، وللأسف كله دلوقتي بقى عريان ملط، ومش عارفة ليه، دا إحنا مصريين ولينا ديننا وتقاليدنا اللي لازم نحترمها".
اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي
