حلا شيحة: "اتجوزت معز مسعود لأن الست مينفعش تفضل لوحدها وأبو أولادي حب حياتي"

تحدثت الفنانة حلا شيحة عن زواجها من الداعية الإسلامي معز مسعود، إلى جانب حديثها عن والد أبنائها، مشيرة إلى أنه اعتنق الإسلام قبل أن تتعرف عليه بعام.

قالت حلا شيحة خلال لقاءها في برنامج “ع المسرح” مع الإعلامية منى عبد الوهاب: “كل الستات مروا باللي أنا مريت بيه وكلهم لبسوا الحجاب وقلعوه، وتزوجوا واتطلقوا، أنا تزوجت مرة وقعدت سنين طويلة واتطلقت وبعدها بحوالي سنة ونص اتجوزت سنة ونص، لأني ست والست مينفعش تفضل لوحدها”.

تصريحات حلا شيحة عن والد أبنائها

وعن والد أبنائها، قالت حلا شيحة: “أبو أولادي مكنش داعية إسلامي، وكانوا مسمينه الشيخ يوسف لأن عنده ذقن، وهو أسلم قبل ما أنا أعرفه بسنة، كنت أعرفه من وأنا عندي 14 سنة وكان حب حياتي، وربنا جمعنا وخلفت منه 4 ولاد”.

حلا شيحة: قلبي بيتقطع علشان ولادي

وعن علاقتها بأبنائها خاصة أنهم يعيشون في كندا، أضافت حلا شيحة: “صراعاتي كتير أوي، لإن ولادي في كندا، وكان نفسي يكونوا معايا طبعًا بكلمهم ولكن جوايا ببقى تعبانة جدًا وقلبي بيتقطع، وأنا طالعة من 11 سنة كنت في حياة مختلفة وراجعة أشتغل، فقابلت هجوم كتير والناس انقسمت، فيه ناس كانت مع رجوعي وناس لا، وأنا اللي في النص وتعبانة، وأنا كان موقفي مختلف تمامًا والناس مش هتستوعب، وكل إنسان بيمر بحاجات كتير في حياته ولازم ياخد قرارات”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة