انتصار : ياما كنا مطلوبين من الرجالة وزهقنا بقى!
كشفت انتصار تفاصيل عن حياتها الشخصية، كما تحدثت عن إمكانية وقوعها في الحب مجددا بعد طلاقها.
تصريحات انتصار
قالت انتصار خلال حلولها ضيفة ببرنامج " على المسرح" :"ياما كنا مطلوبين من الرجالة وزهقنا بقى، اكتفينا، أنا عمري ما أخاف سواء مرغوبة أو مش مرغوبة من الرجال من كم ما كنت مرغوبة".
وأكدت انتصار أنها من الممكن أن تتخذ المباردة مع شخص أعجبت به، قائلة: "في كهربا كدة يا جماعة بتحصل، مش معقولة احنا عديمين الإحساس، ساعات بتحسي بالكهربا، هي ربانية من عند ربنا وصادقة، وموجودة في الطاقة العادية في طاقة المكان بتوصلك، والعيون تتلاقى في وسط الزحمة والقلب بيدق والكل بيسكت، وهنا حدثت الشرارة الأولى، وبتكمل اللحظة دي اكتمال حلو، مش لازم العلاقة تكمل وتتجوزوا، لكن المؤكد هيحصل حاجة حلوة، الأرواح تلاقت".
انتصار تتحدث عن الحب
وتابعت: الحب جميل وشرارة الحب فيها جرأة ومغامرة والدورة الدموية تشتغل والأكل بيبقى له معنى والنوم والصحيان له معنى ودولاب الملابس له معنى بعد أي حادثة حب".
اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ
