محمد محمود: أمير البحار جواز مروري في السينما وهنيدي راهن عليا

حل الفنان محمد محمود ضيف فى برنامج مساء dmc، الذى يقدمة الإعلامى رامى رضوان أمس الثلاثاء الموافق 8 أغسطس، حيث كشف محمد الكثير من كواليس وأسرار حياته الشخصية.

تصريحات الفنان محمد محمود

-كان حلم من أحلامى أدخل معهد الفنون المسرحية، كانت لحظة متتوصفش.

-التكريم أهم تانى لحظات سعادة فى حياتى، حسيت أن مجهود 40 سنة مرحش على الفاضى.

-كان فى ناس متابعة شغلى ومقداره وجيه الوقت اللى يشكروني فيه على مجهود 40 سنه كأدارى وفنان.

-فرحت بنصبى كأدارى أو مدير عام للمسرح علشان أولادى.

-المناصب الإدارية اللى أتولتها جت فى وقتها.

-أعتذرت عن أعمال كتير فى المسرح عشان ميتقلش بيستغل منصبه وعمله فى المسرح.

-أخدت جوائز كتير لمسرحيات كنت بقدمها، خصوصًا فى مسرح الطليعة.

- بناشد طول عمرى بتصوير المسرحيات، كأرشيف.

-مسرحية واحدة  اللى اتصورتلى من 40 سنة، ولم تعرض غير مرة أو أتنين.

-لو خيرونى بين العمل فى السينما أو المسرح مش هختار المسرح بالرغم أنى بجد فيه متعه والمقابل اللى بخده من الجمهور فورى.

-دورى فى فيلم أمير البحار كان وش السعد عليا، وجواز المرور بتاعى فى السينما.

-محمد هنيدى راهن عليا فى دورى فى أمير البحار.

-بحب أشتغل مع هنيدى، هو إنسان جميل وبيدى طاقة حلوة للعمل.

-كل أعمالى مع هنيدى ناجحة، هو بيحب الخير للناس كلها.