مي عمر: "محمد سامي أى حد يتمنى يشتغل معاه وفيه ناس مستكتراه عليا"
تحدثت الفنانة مي عمر، عن كواليس مسلسلها الجديد “نعمة الأفوكاتو”، الذي تم عرضه في موسم رمضان 2024، وكان يتكون العمل من 16 حلقة فقط، إلى جانب حديثها عن الهجوم الذي تعرضت له بسبب عملها مع زوجها محمد سامي.
قالت مي عمر خلال حوارها في برنامج "أسرار" على قناة النهار: “محمد سامي مخرج أى حد يتمنى يشتغل معاه، وأنا ومحمد قصة قديمة من زمان قبل ما يخرج، وكنت بشوف هو بيعمل إيه في العمل اللي بيشتغله، وكنت بقول يا بخته ويا حظه اللي بيشتغل معاه، وبقول يا ترى في يوم من الأيام تيجيلي الفرصة إني أعمل عمل ومحمد هو المخرج، وحظي السنة دي أنه هو اللي بيعمل لي العمل”.
مي عمر: مخوفتش من الهجوم اللي على نعمة الأفوكاتو
وأضافت مي عمر: “مخوفتش من الهجوم على المسلسل، لكن اللي يهمني هو رد الفعل، وهل فيه هجوم من الجمهور أم لا؟، والجمهور بيحب العمل الجيد، والجمهور بالنسبة له، عارفين أننا بنطلع حاجة حلوة اللي بيضايق ناس تانية بيطلعوا الكلام ده، ومش إحنا بس الكابل اللي اشتغل مع بعض واتعرض للانتقادات لكن فيه كتير غيرنا”، وردت على سؤال: “هل الناس مستكترة عليكي محمد سامي؟”، قائلة: “تاني هقول مش كل الناس، لكن ناس معينة”.
اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"
