أحمد عيد عبدالملك يوجه رسالة قاسية إلي أحمد مرتضي منصور
رد أحمد عيد عبدالملك نجم نادي الزمالك السابق علي أحمد مرتضي منصور أبن المستشار مرتضي منصور بعد رده علي أيمن يونس لاعب الزمالك.
وتحدث أحمد عيد بلهجة قاسية علي رد أحمد مرتضي بعد وصف المستشار مرتضي منصور بإنه يخوض في أعراض الناس ، وأن النادي لا يتواجد به بطولات وبدون نجومه ,أهم لاعبيه .
بيان أحمد عيد عبدالملك
وجاء رد أحمد عيد علي صفحته الرسمية علي تويتر وقال :
البطولات :
وقف القيد ..
فشل في تجديد عقود نجوم الفريق ..
بيع نجوم الفريق ..
بيع اهم لاعب في مركزه بدون نسبة اعادة بيع ورجوعه علي المنافس ..
١٠ سنين مخدتش دوري ابطال الي كابتن ايمن معاه منه ٣ ..
وابوك الي بيخوض في اعراض الناس واللاعيبة الي في النادي ..
فرع ٦ اكتوبر الي روحت اتصورت جنب الونش وجيت ..
النادي الي بقي ١٠٠ الف عضوية ومحدش بيعرف يقعد فيه ..
ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات ..
هو انت عمرك اخدت قرار او اي حد معاك يقدر ياخد قرار انتو صورة بس !!
ادخل بقي كدة علي كلامك ده لكابتن ايمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان.
وقال أحمد مرتضى ردا على تدوينة أيمن يونس على موقع التواصل الاجتماعي تويتر قائلا: «استقيل ليه ؟! يا كابتن أنا واخد بطولات اكتر من حضرتك ١٠ مرات سواء عندما كنت لاعب أو إداري هل منطقي لو في اخفاق موسم واحد استقيل للأسف الكلام بيكون قدام الناس كلام وفي الغرف المغلقه كلام تاني كابتن ايمن عندنا شغل اكتر من الكلام لو حابب تساعد تشرف دا نادينا كلنا لحضرتك كل الاحترام».
كان أيمن يونس قد علق عن أزمة شيكابالا، عبر حسابه الرسمي على موقع التواصل الاجتماعي «تويتر» قائلا: «السادة أعضاء المجلس المتبقين اذا كان لديكم ذرة حب جوه قلوبكم لنادينا فاستقيلوا حتي تثبتوا ذلك.. كفاية».
وتابع: «اما عن شيكابالا هذا اللاعب الاسطورة الانسان الجميل البسيط الزملكاوي جينات .. دم.. روح فأشهد لك فى كل مواقفك وتاريخك انك كنت عاشق لنادي الزمالك وجماهيره بدون مزايدات».
