أيتن عامر: "الطلاق تجربة بشعة وعز العرب لو مش كويس مكنتش هرتبط بيه"
كشفت الفنانة أيتن عامر عن تفاصيل طلاقها من مدير التصوير محمد عز العرب، ودخلت في نوبة من البكاء بعد الحديث عن طليقها.
قالت أيتن عامر: “الطلاق من أبشع التجارب اللي ممكن ست تمر بيها في حياتها، الست ممكن تبقي بتنور بعد الطلاق، بس مش عشان اتطلقت هي كانت منور من قبل، ولكن بيجي فترة بتفقد الست جزء من سلامها النفسي، فلما الطلاق بيحصل بترجع تنور تاني”.
تصريحات أيتن عامر عن طلاقها
وتابعت أيتن عامر: “مش حاجة كويسة إني حد يفقد شخص من عائلته، وإزاي بنفرح إن في واحدة اتطلقت، الناس بتعتبر الست المطلقة إنها بتهتم نفسها أكتر، محدش شاف وحدتها بليل، الموضوع صعب مش سهل، وفي بني آدمة بتقدر تعدي وفي بني آدمة مش بتتقدر، ومحدش بيشوف أنا بفكر بليل إزاي”، ودخلت في نوبة من البكاء واضطرت بسمة وهبة للخروج إلى فاصل.
وأضافت أيتن عامر: “بعد الانفصال، رفضت الحديث عن الأمر تمامًا، لأني طول عمري محبش إن حياتي الشخصية تبقى ع المشاع، دايمًا عندي مساحة من الخصوصية أحب أن أحترمها، فعندما قالت وفاء عامر إنه إنسان جيد، كانت محقة، وإلا لم أكن لأرتبط به من البداية”.
سبب خلاف أيتن عامر وطليقها
وعن سبب الخلاف بينها وبين طليقها، قالت أيتن عامر: “وعن سبب الخلاف، هكرر اللي قولته لياسمين عبد العزيز وتعرضت للانتقاد بسببه وهي الناس ملهاش علاقة أنتم اتطلقتوا ليه، ربنا يسعدك ويسعده ويعملكم الخير، وده اللي كنت مستنية الناس يقولوه ليا، وللأسف طالته انتقادات وأنا كذلك، ومازلنا نتعرض للانتقادات حتى هذه اللحظة، والمشكلات بيننا بدأت بعد سنة من حدوث الانفصال”.
اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"
