بيومي فؤاد عن أزمته الأخيرة: «معداش عليا يوم من غير عياط وبقيت وصمة دلوقتي»
تحدث الفنان بيومي فؤاد حول أزمته الأخيرة بسبب مسرحية زواج اصطناعي، كاشفا عن الظلم الذي تعرض له خلال هذه الأزمة، بجانب حديثه عن الأشخاص الذين وقفوا بجانبه وساندوه.
بيومي فؤاد يتحدث عن أزمة مسرحية زواج اصطناعي
وأعرب بيومي فؤاد عن حالة الحزن التي سيطرت عليه بسبب أزمة مسرحية زواج اصطناعي، وذلك في تصريحات تليفزيونية، قائلا: «معداش عليا يوم من وقت اللي حصل في المسرحية من غير عياط وأنا اتعرضت للظلم، وعيني اليمين كانت هتنفجر بسبب ظلم محمد السبكي ليا وأنه خد الفيلم بتاعي».
وتابع بيومي: «مش عارف ليه الناس نسيت أعمال كانت تراجيدي قبل خيانة عهد كنت بعملها زي موجة حارة.. وكلمت محمد ياسين في مسلسل أفراح القبة قالي مليش مشهد».
كما تحدث عن الأشخاص الذين تواصلوا معه وقت الأزمة، وقال بيومي: «مدحت العدل من أول الناس اللي كلمتني.. وأنا وصمة دلوقتي وخايف أقول الناس اللي كلمتني وقت الأزمة».
وتابع: «ومحمد سلام بيقولي أنت ليه بتعمل كده فينا ياعم بيومي عشان إحنا الاتنين زي بعض في الأجر.. فلما بقلل من أجري بيتقال ليه ما هو بيومي طلب كده».
واختتم بيومي قائلا: «إزاي مبقراش سيناريوهات وهوصل للمستوى ده.. لازم اقرأ عشان أذاكر الدور كويس وبمضي أعمال من غير ما أقرأ السيناريو عشان مخرج زي محمد ياسين أو مؤلف زي عبد الرحيم كمال».
اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة
