هادي الباجوري يكشف سبب انفصاله عن ياسمين رئيس

تحدث المخرج هادي الباجوري عن حياته الشخصية، كما كشف عن سبب انفصاله عن الفنانة ياسمين رئيس.

هادي الباجوري: غادة عادل مبتعرفش تعيط ومش بطلب من الفنانات مشاهد جنسية

تصريحات هادي الباجوري 

 قال هادي الباجوري خلال حلوله ضيفا ببرنامج حبر سري :"سبب طلاقي من ياسمين رئيس مش بسبب تصريحي على الغيرة، التصريح ده كان في انترفيو وكان الكلام على أن لو في أدوار معينة ممثلة لازم تعملها عشان أنا كنت وقتها عامل فيلم (قمر 14) وكان فيه بوس لشيرين رضا وخالد النبوي، وقالوا لو ده اتطلب من ياسمين وهي كانت مراتي ساعتها هل هتوافق على كده؟، وكان ردي عايزني أبقى منافق يعني مينفعش ابقى موافق إن ممثلة تانية تعمل ده ومش موافق على دي عشان هي مراتي".

 وتابع الباجوري: “أيوة هي لو موجودة في فيلم زي ده ومشهد زي ده هخليها تعمل ده لأن ده شغل ، مش هقدر أقولها لأ عشان هبقى منافق والموضوع مكانش ليه أي علاقة بالغيرة هو ليه علاقة أني راجل مؤمن باللي أنا بعمله وبقدمه بشكل واضح وصريح”.

اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ