ميار الببلاوي تفجر مفاجأت جديدة في قضية تعذيب وفاء مكي للخادمتين.. فيديو
![ميار الببلاوي ووفاء](/UploadCache/libfiles/6/4/600x338o/956.jpg)
كشفت الفنانة ميار الببلاوي تفاصيل جديدة في قضية تعذيب الخادمتين التي تورطت بها الفنانة وفاء مكي، مشيرة إلى أن وفاء ليست بريئة من القضية على حد قولها.
قالت ميار الببلاوي خلال لقاءها مع الإعلامية بسمة وهبة في برنامج العرافة: “أنا مكتمتش حاجة خالص ووقتها مكنتش كبيرة كفاية، وفيه فرق لأني مكنتش فاهمة ولا كنت في مصر ومكنتش عارفة أوصلها، واللي حصل إن أنا كنت بسرد موقف لشخص وكان عندي اعتقاد إن وفاء بريئة، وهى مش بريئة ولا ليها أى علاقة بالبراءة، وأنا معيطتش مع هند عاكف خالص، ووفاء مكي طلعت وبتستغيث أنها مش لاقية تأكل ابنها وأنا دي زميلتي وقولت خلاص كفاية سيبوها في حالها”.
ميار الببلاوي عن قضية تعذيب وفاء مكي لخادمتين
أما عن تفاصيل الواقعة، قالت ميار الببلاوي: “واحدة جاتلي وجابتلي شغالات وأنا كنت طلباهم وكنت مستعجلة ورايحة فرح بنت خالتي، وكنت محتاجاهم وقولت هاخدهم ولكن مطلعوش عندي وكل ده في مدخل العمارة وبشوف البنات لقيت واحدة فيهم نعسانة والتانية متضايقة، قولتلها انتي جايباهم غصب عنهم ولا إيه؟ وقالتلي الاتنين بيشتغلوا مع بعض، والبنت كانت عايزة توريني إن شعرها محلوق، وقالتلي إن الأستاذة وفاء مكي قالت إن البنت عندها قُراع وحلقت لها شعرها، قولتلها عندها قُراع وجايباها لـ ابني؟ روحي أنا مش عايزاهم، هو ده اللي حصل، إيه بقى براءة وفاء في حاجة زي كده؟”.
وتابعت ميار الببلاوي: “الطب الشرعي قال إن البنت مفيش عندها أى مرض جلدي، يعني التعذيب وقع شعرها واتحلق لها واتحرقت في شعرها وده اللي أقره الطب الشرعي، وبعدين أنا محدش طلب شهادتي، ووفاء ساعتها كانت بتصور مع فنانين كبار في مسلسل وكلهم شهدوا ومحدش خد بكلامهم لأن الطب الشرعي كان واضح”.
واختتمت ميار الببلاوي حديثها قائلة، إن زوجها صاحب رسالة التهديد التي وصلتها لكى لا تذهب للشهادة في قضية وفاء مكي، وقالت: “رسالة التهديد دي كانت لعبة من جوزي علشان مش عايزني افتح علينا فتوحات، وبعد ما رجعنا من سوريا قالي أنا اللي كنت بهددك، وكلمت فارس حماد وقالولي كلامك لا هيقدم ولا هيأخر، وأنا راضية ضميري والست دي مش بريئة ولا ليها علاقة بالبراءة”.
اقرأ أيضًا: بسمة بوسيل: “مبقدرش أغفر الخيانة وهرفض إن بنتي ترتبط بشخص مشهور”