نيللي كريم: اتعلمت من باسم سمرة وانتصار.. ومسلسل ذات كان نقطة تحول
ردت الفنانة نيللي كريم على تصريحات الفنان باسم سمرة في برنامج "رامز جاب من الآخر" بعدما تحدث عن عمل كان سيجمعهما لكنه رفضه لأنها طلبت مشاركة زوجها الفنان هشام عاشور.
تصريحات نيللي كريم
قالت نيللي كريم خلال حوارها ببرنامج " تفاعلكم":"الكلام ده محصلش أنا آخر مرة اشتغلت مع باسم سمرة في مسلسل "ذات" ودا من أكتر من 10 سنين وبعدها عمر ما جاتش فرصة أو أي عمل يجمعنا ببعض الكلام اللي هو حكاه مش حقيقي".
كما ردت نيللي كريم على قوله هو والفنانة إنتصار أنها تعلمت التمثيل منهما: "أنه بيقول إني اتعلمت منه التمثيل أنا بتعلم كل يوم لو مخرج بشتغل معاه لأول مرة أو ممثل، واتعلمت منه أه طبعا باسم أستاذ كبير، بالنسبة ليا مسلسل "ذات" كان مهم ودور يخض، وإني أتعلم منه دا شيء مش عيب، والأستاذة إنتصار طبعا اتعلم منها هي أستاذة رائعة الحاجات دي عندي مش مشكلة طول ما أنا عايشه وبشتغل في المهنة دي أنا طول الوقت هتعلم ومرديتش على الكلام دا قبل كده لأن أيوة يا نجوم يا كبار أنا بتعلم منكم وشرف ليا إني اشتغلت معاكم".
نيللي كريم ترد على تصريحات انتصار
علقت نيللي كريم الفنانة على تصريح الفنانة انتصار، والتي أشارت فيه إنها كانت ترقص باليه ثم دخلت مجال التمثيل قائلة: "أنا بس مش بحب الطريقة، ألوم على إنتصار لما قالت هي كانت بتاعة باليه وجات، بتاع الباليه مش ماشي في الشارع في أكاديمية فنون ومعهد الباليه وأنا كنت دارسة قسم إخراج مسرح، أنا مش جايه من الشارع دارسة موسيقى وباليه وفن مع ناس محترمة وأساتذة كبار".
اقرأ أيضاً:بسنت شوقي: محمد فراج متطرف في حب الأهلي وبتابع الكرة العالمية أكتر
