ميار الببلاوي: "اتطلقت من جوزي 11 مرة ومشهد السرير اتعمل بمقاييس شرعية"
حلت الفنانة ميار الببلاوي، ضيفة مع الإعلامية بسمة وهبة، في برنامج العرافة عبر قناة النهار، وكشفت خلال الحلقة عن العديد من الأسرار في حياتها الشخصية.
قالت ميار الببلاوي: “مشهد السرير في مسلسل أيام السراب ده أنا لا قربت من الراجل ولا هو قرب مني، ولما لبست باروكة فيه ده يعتبر خلع للحجاب فعلًا، والمشهد كان في منتهى الستر والاحترام ومعمول بمقاييس شرعية، ومازلت بمثل حتى بعد الحجاب لأني بحب التمثيل جدًا، وروحت عملت عمرة بعد ارتدائي للباروكة لأن ده ميعتبرش حجاب خالص”.
تصريحات ميار الببلاوي
وأضافت ميار الببلاوي: “في شيخ اتقدملي بشكل غير مباشر أثناء تصويري حلقة معاه، هو طلع معايا في لقاء في برنامج وقال للزميل والزميلة اللي معايا دي حلوة أوي ومقدرش أقعد معاها من غير ما أتجوزها، واشترط إني مبقاش معاه في الحلقة فـ محاورتوش وهو كان معروف عنه إنه مزواج”.
وتابعت ميار الببلاوي: “اتجوزت 4 مرات على سنة الله ورسوله، ومبحبش أتجوز في السر، وزوجي الأخير اتطلقت منه 11 مرة ورجعنا تاني، وهو أول حب في حياتي ولو كان استمر في حياتي مكنتش هتجوز أي حد تاني، وعندنا عدم تجانس في الدم مينفعش نخلف، وأنا كنت عايزة أخلف فـ اتجوزت غيره”.
اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"
