مسلم: "رجعت لخطيبتي ومرضناش نقول عشان ميتقالش بنعمل تريند"
كشف مطرب المهرجانات مسلم، عن تفاصيل عودته لخطيبته السابقة يارا، التي انفصل عنها بعد عدة أيام من إعلان الخطوبة.
قال مسلم خلال لقاءه في برنامج "أسرار" مع الإعلامية أمير بدر، إنه عاد مرة أخرى لخطيبته السابقة والتي وقفت بجانبه كثيرًا، وأضاف: “خطبت بعد طلاقي بـ 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وإني أقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت إنها أخدتني من طليقتي وابني”.
عودة مسلم لخطيبته يارا
وتابع مسلم: “أنا معملتش حاجة غلط وعملت خطوبة زى أى بني آدم ومجرحتش حد بالخطوبة اللي عملتها، وراعيت مشاعر طليقتي وعمري ما هجرحها لإنها ام ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة”.
وأكد مسلم، أنه عاد مرة أخرى لخطيبته بعد إعلانه فسخ الخطوبة، قائلًا: “ده تسرع مني وأنا اللي نزلت إننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم إني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل أسرة وحياة”.
واختتم مسلم حديثه، قائلًا: “احنا رجعنا لبعض لإننا مستحملناش نبعد عن بعض ومرضيناش نقول إننا رجعنا، عشان الناس متفكرش نعمل لقطة ولا تريند، ومش حابب حد يحطها في الحتة دي لأنها أنضف من كده، وناوي إننا نعقل ونكبر ومنتسرعش في أى حاجة بعد كده، أنا اللي اتقمصت شوية وموقف حصل ولكنها مسابتنيش ومسابتنيش زعلانة في عز منا غلطان، احترمتها”.
اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"
