يسرا اللوزي: معنديش مشكلة مع نسرين أمين والمفروض كل واحد يركز في حياته
كشفت الفنانة يسرا اللوزي عن كواليس مشاركتها في برنامج "رامز جاب من الآخر" في الحلقة التي جمعتها بالفنانة نسرين أمين.
تصريحات يسرا اللوزي
قالت يسرا اللوزي خلال لقائها ببرنامج "نجوم رمضان أقربلك" مع الإعلامية إنجي علي عبر إذاعة وقناة "نجوم FM":"أنا معنديش مشكلة مع نسرين أمين ولا أي حد، وحتى رامز جلال مقالش إن في بيني وبين نسرين مشاكل، أنا مكنتش عارفة أن في حد معايا في الحلقة، ولما سألوا مدير أعمالي عندي مشاكل مع مين قالولهم معندهاش مشاكل مع حد، مكنوش عارفين يعملوا إيه فقرروا يبنوا الحلقة بتاعتي على أننا شخصيتين عكس بعض".
وتابعت يسرا اللوزي: "أنا معنديش مشاكل مع حد لأني بعمل هبلة، ونصيحتي للناس أن كل واحد يبص في ورقته وقتها الحياة هتبقى حلوة".
يسرا اللوزي تكشف برجها الفلكي
وكشفت يسرا اللوزي إنها من مواليد برج الأسد لكنها لا تمتلك أي صفة من صفات هذا البرج قائلة: "أنا برج الأسد لكن أنا مش واخدة من صفات البرج ده حاجة، بحس إني مظلومة، و الناس بتتعامل معايا على أساس إني بحب الأضواء والسيطرة وكلمتي هي اللي تمشي وأنا "كتكوت مبلول" لو في برج اسمه كده هيبقى أنا".
اقرأ أيضاً:بسنت شوقي: محمد فراج متطرف في حب الأهلي وبتابع الكرة العالمية أكتر
